അയ്യങ്കാളി ജയന്തിയും ശ്രീനാരായണ ഗുരു ജയന്തിയും ഒരേ ദിവസം

തിരുവനന്തപുരം : കേരള നവോത്ഥാന ചരിത്രത്തിലെ രണ്ട് മഹാന്മാരായ അയ്യങ്കാളിയുടെയും ശ്രീനാരായണ ഗുരുവിന്റെയും ജയന്തി ഒരേ ദിവസം ആചരിക്കും. ആഗസ്ത് 28നാണ് ഇരുവരുടെയും ജയന്തി ദിനം. സാമൂഹിക പരിഷ്കർത്താവും പിന്നാക്ക വിഭാഗങ്ങളുടെ അവകാശങ്ങൾക്കായി ശക്തമായി പോരാടിയ നേതാവുമായിരുന്ന അയ്യങ്കാളിയുടെ ജന്മദിനമാണ് അയ്യങ്കാളി ജയന്തിയായി ആചരിക്കുന്നത്.

വിദ്യാഭ്യാസത്തിനും സാമൂഹിക സമത്വത്തിനും വേണ്ടി അദ്ദേഹം നടത്തിയ ഇടപെടലുകൾ കേരളത്തിന്റെ സാമൂഹിക മുന്നേറ്റത്തിൽ നിർണായകമായി. ജാതീയ അസമത്വങ്ങൾക്കെതിരെ പ്രവർത്തിച്ച മഹാനായ സാമൂഹിക പരിഷ്കർത്താവും ആത്മീയ ഗുരുവുമായ ശ്രീനാരായണ ഗുരുവിന്റെ ജന്മദിനമാണ് ശ്രീനാരായണ ഗുരു ജയന്തിയായി ആചരിക്കുന്നത്. ഒരു ജാതി, ഒരു മതം, ഒരു ദൈവം മനുഷ്യന്‍ എന്ന ഗുരുസന്ദേശം കേരളത്തിന്റെ സാമൂഹിക നവോത്ഥാനത്തിന് വലിയ പ്രചോദനമായി.

ഇരുവരുടെയും ജയന്തി ഒരേ ദിവസം വരുന്നത് കേരളത്തിന്റെ നവോത്ഥാന ചരിത്രത്തിലെ ശ്രദ്ധേയമായ യാദൃച്ഛികത കൂടിയാണ്. വിവിധ സംഘടനകളുടെ നേതൃത്വത്തിൽ സംസ്ഥാനത്തിന്റെ വിവിധ ഭാഗങ്ങളിൽ ജയന്തി ആഘോഷങ്ങളും അനുസ്മരണ പരിപാടികളും നടക്കും.