അമീബിക് മസ്തിഷ്ക ജ്വരം ബാധിച്ച് ചികിത്സയിലായിരുന്ന ചേലേമ്പ്ര സ്വദേശി മരിച്ചു

മലപ്പുറം: അമീബിക് മസ്തിഷ്ക ജ്വരം ബാധിച്ച കോഴിക്കോട് മെഡിക്കൽ കോളേജിൽ ചികിൽസയിലായിരുന്ന മലപ്പുറം ചേലേമ്പ്ര സ്വദേശി മരിച്ചു. ചാലിപ്പറമ്പ് മണ്ണാറക്കൽ ഷാജി (48) ആണ് മരിച്ചത്. ആ​ഗസ്ത് ഒമ്പതിനാണ് ഗുരുതരാവസ്ഥയിൽ കോഴിക്കോട് മെഡിക്കൽ കോളേജിൽ പ്രവേശിപ്പിച്ചത്.

വെൻ്റിലേറ്ററിൻ്റെ സഹായത്തോടെയാണ് ജീവൻ നിലനിർത്തിയത്. ബുധനാഴ്ച രാത്രിയോടെയാണ് മരണം. രോഗത്തിൻ്റ ഉറവിടം ഇതുവരെ കണ്ടെത്താനായിട്ടില്ല. കണ്ണൂരിൽ ഇൻഡസ്ട്രിയൽ ജോലി ചെയ്യുകയായിരുന്നു.

സംസ്കാരം വ്യാഴം രാവിലെ 11ന് മീഞ്ചന്ത മാനാരി ശ്മശാനത്തിൽ. പിതാവ് : പരേതനായ സുന്ദരൻ. മാതാവ് : വിജയകുമാരി. ഭാര്യ : ബിന്ദു. മക്കൾ : അമൃത, ഷിബിൻ. സഹോദരങ്ങൾ : സുനിൽ കുമാർ, അജിത.