കൊച്ചിയില്‍ യുവതിയെ ജോലി വാ​ഗ്ദാനം നല്‍കി കൂട്ടബലാത്സം​ഗം ചെയ്തു; രണ്ട് പേര്‍ പിടിയില്‍

കൊച്ചി : കളമശേരിയിൽ യുവതിയെ ജോലി വാ​ഗ്ദാനം ചെയ്ത് വിളിച്ചുവരുത്തി കൂട്ടബലാത്സം​ഗം ചെയ്തു. യുവതിയുടെ ദൃശ്യങ്ങളും പകർത്തിയതായി റിപ്പോർട്ട്. കേസുമായി ബന്ധപ്പെട്ട് ശ്രീരാജ്, ജിത്തു എന്നിവരെ റിമാൻഡ് ചെയ്തു.

സ്പാ മാനേജരുടെ ജോലി വാ​ഗ്ദാനം ചെയ്ത് വിളിച്ചുവരുത്തിയാണ് പീഡനത്തിനിരയാക്കിയത്. പ്രതികളിൽ മറ്റൊരു യുവതിയും ഉൾപ്പെട്ടതായാണ് വിവരം. പീഡനത്തിനിരയായ യുവതി കളമശ്ശേരി മെഡിക്കൽ കോളജ് ഐസിയുവിൽ ചികിത്സയിലാണ്. ഈ മാസം രണ്ടാം തീയതിയാണ് സംഭവം നടന്നത്. നാല് പേർ ചേർന്നാണ് പെൺകുട്ടിയെ ക്രൂര ബലാത്സംഗത്തിന് ഇരയാക്കിയത്. വിവരം ഭർത്താവിനോട് പറയുകയും പൊലീസിൽ പരാതി നൽകുകയുമായിരുന്നു. പിടിയിലായവർ എറണാകുളം സ്വദേശികളാണ്. സംഭവത്തിൽ പൊലീസ് അന്വേഷണം നടത്തിവരികയാണ്.