പ്രോ​ഗ്രസ് റിപ്പോർട്ടുമായി കുടുംബശ്രീ

തിരുവനന്തപുരം : കുടുംബശ്രീ പ്രവർത്തനം വിലയിരുത്താൻ ഇനി പ്രോഗ്രസ്‌ റിപ്പോർട്ടും. സിഡിഎസ്‌ തലത്തിലാണ്‌ ആദ്യമായി പ്രോഗ്രസ്‌ റിപ്പോർട്ട്‌ തയ്യാറാക്കുക. നിലവിലെ സിഡിഎസ്‌ നടത്തിയ എല്ലാ പ്രവർത്തനവും ഇതിൽ വിലയിരുത്തും. ഈ അനുഭവത്തിന്റെ അടിസ്ഥാനത്തിലാകും പ്രവർത്തനം കൂടുതൽ കാര്യക്ഷമമാക്കുന്നതിനുള്ള നടപടി കുടുംബശ്രീ സ്വീകരിക്കുക. പ്രോഗ്രസ്‌ റിപ്പോർട്ടിന്റെ വിലയിരുത്തലും സിഡിഎസ്‌ സംഗമവും രണ്ട്‌ മേഖലകളിലായി നടത്തും.

കേരളത്തിൽ നിലവിൽ 1070 സിഡിഎസാണുള്ളത്‌. ഇതിൽ 941 ഗ്രാമ സിഡിഎസും 129 എണ്ണം നഗര സിഡിഎസുമാണ്‌. ജൂലൈ 20നകം റിപ്പോർട്ട്‌ തയ്യാറാക്കും. തിരുവനന്തപുരം മുതൽ കോട്ടയം വരെയുള്ള ജില്ലകളുടെ സംഗമം 14ന്‌ കോട്ടയത്തും മറ്റ്‌ ജില്ലകളുടെ സംഗമം 28 കോഴിക്കോടും നടക്കും. രണ്ടിലും തദ്ദേശഭരണ മന്ത്രി എം ബി രാജേഷ്‌ പങ്കെടുക്കും.