കലാഭവൻ നവാസിന്റെ വിയോ​ഗം തീർത്തും അപ്രതീക്ഷിതം : എം വി ​ഗോവിന്ദൻ

തിരുവനന്തപുരം : തീർത്തും അപ്രതീക്ഷിതമായുണ്ടായ വിയോഗം അത്യന്തം വേദനാജനകവുമാണ് കലാഭവൻ നവാസിന്റെ വിയോ​ഗമെന്ന് സിപിഐ എം സംസ്ഥാന സെക്രട്ടറി എം വി ​ഗോവിന്ദൻ. നവാസിന്റെ നിര്യാണത്തിൽ കുടുംബാംഗങ്ങളുടെയും സിനിമാ ലോകത്തിന്റെയും വേദനയിൽ പങ്കുചേരുന്നുവെന്നും എം വി ​ഗോവിന്ദൻ ഫേസ് ബുക്കിൽ കുറിച്ചു.

ഫേസ് ബുക്കിൽ കുറിപ്പിന്റെ പൂർണ രൂപം

സിനിമാ താരവും മിമിക്രി കലാകാരനുമായ കലാഭവൻ നവാസിന്റെ നിര്യാണത്തിൽ അനുശോചനം രേഖപ്പെടുത്തുന്നു. തീർത്തും അപ്രതീക്ഷിതമായുണ്ടായ വിയോഗം അത്യന്തം വേദനാജനകമാണ്​. മിമിക്രി വേദികളിലൂടെ ചലച്ചിത്ര ലോകത്തെത്തിയ നവാസ്​ മലയാള സിനിമാ പ്രേക്ഷകരുടെ മനസിൽ ഇടം നേടിയ നടനായിരുന്നു. നിരവധി സിനിമകളിൽ ശ്രദ്ധേയമായ വേഷങ്ങൾ അദ്ദേഹം കൈകാര്യം ചെയ്തു. പെട്ടെന്നുള്ള ഈ വിയോഗം കലാലോകത്തിന് വലിയ നഷ്ടമാണ് സൃഷ്ടിച്ചിരിക്കുന്നത്. നവാസിന്റെ നിര്യാണത്തിൽ കുടുംബാംഗങ്ങളുടെയും സിനിമാ ലോകത്തിന്റെയും വേദനയിൽ പങ്കുചേരുന്നു.