വെള്ളാപ്പള്ളിയുടേത് വര്ഗീയതക്ക് വളംവെക്കുന്ന പ്രസ്താവന: സിപിഐ എം
തിരുവനന്തപുരം: വര്ഗീയതക്ക് വളംവെക്കുന്ന പ്രസ്താവനയാണ് വെള്ളാപ്പള്ളി നടത്തിയതെന്ന് സിപിഐ എം സംസ്ഥാന സെക്രട്ടറിയേറ്റ് പ്രസ്താവനയില് പറഞ്ഞു. പാർടി സംസ്ഥാന കമ്മിറ്റി അംഗവും, മുന് സ്പീക്കറുമായ എ എന് ഷംസീറിന് മുസ്ലിം ലീഗിന്റെ ശബ്ദമെന്ന വെള്ളാപ്പള്ളിയുടെ പ്രസ്താവന ഈ ദിശയിലുള്ളതാണ്.
കമ്യൂണിസ്റ്റ് പാര്ടി എല്ലാ വിഭാഗങ്ങളിലുംപെട്ട ജനങ്ങളെ സംഘടിപ്പിച്ചുകൊണ്ട് സാമൂഹ്യ മാറ്റത്തിനായി പ്രവര്ത്തിക്കുന്ന പാര്ടിയാണ്. ഒരേ ലക്ഷ്യത്തിനായി പ്രവര്ത്തിക്കുന്ന പാര്ടി നേതാക്കളെയും, പ്രവര്ത്തകരെയും വിഭജിച്ച് കാണുന്ന രീതി അങ്ങേയറ്റം പ്രതിഷേധാര്ഹമാണ്.
കേരളത്തിന്റെ മതനിരപേക്ഷത രൂപപ്പെടുത്തുന്നതിന് എസ്എന്ഡിപി വഹിച്ച പങ്ക് വളരെ വലുതാണ്. എല്ലാ മതങ്ങളുടെയും സാരം ഏകമാണെന്ന ശ്രീനാരായണ ദര്ശനത്തെ മുറുകെ പിടിച്ചുകൊണ്ടാണ് എസ്എന്ഡിപി പ്രവര്ത്തിച്ചത്. കേരളത്തിന്റെ മതനിരപേക്ഷ മനസ്സ് രൂപപ്പെടുന്നതിന് ഈ നിലപാട് നല്കിയ സംഭാവന വളരെ വലുതാണ്. ആ സംഘടനയുടെ സെക്രട്ടറി സ്ഥാനം വഹിക്കുന്ന ഒരാളില് നിന്ന് ഒരിക്കലും ഉണ്ടാകാന് പാടില്ലാത്ത പ്രസ്താവനയാണ് വെള്ളാപ്പള്ളിയില് നിന്നും ഉണ്ടായതെന്നും സംസ്ഥാന സെക്രട്ടറിയേറ്റ് പ്രസ്താവനയില് പറഞ്ഞു.
Related News
Dont Miss it
0 comments