യുഎഇ യിൽ കോവിഡ് മരണനിരക്ക് കുറഞ്ഞു. ഇന്ന് റിപ്പോർട്ട് ചെയ്തത് ഒരു മരണം.

അബുദാബി> കോവിഡ് മരണനിരക്ക് യുഎഇയിൽ കുറഞ്ഞു വരുന്ന സൂചനകളാണ് ലഭിച്ചു കൊണ്ടിരിക്കുന്നത്. കഴിഞ്ഞ ദിവസങ്ങളിൽ നിന്ന് വ്യത്യസ്തമായി ഇന്ന് ഒരാൾ മാത്രമാണ് കോവിഡ് മൂലം മരണപ്പെട്ടത്. രാജ്യത്ത് ഇതുവരെ കോവിഡ് മൂലം 245 പേരാണ് മരണപ്പെട്ടത്. 

വർധിച്ച തോതിൽ കോവിഡ് ടെസ്റ്റുകളാണ് യു എ ഇ യിൽ നടക്കുന്നത്. പെരുന്നാൾ ദിനമായിട്ടുകൂടി മുപ്പത്തി അയ്യായിരം പേരെ കോവിഡ് ടെസ്റ്റിന് വിധേയമാക്കി. ഇതിൽ നിന്നും 781 പുതിയ കേസുകൾ കണ്ടെത്തി. നിലവിൽ രാജ്യത്ത് വൈറസ് ബാധിച്ചവരുടെ എണ്ണം 29,485 ആണ്.