വാര്‍ത്തയാക്കി 
മധ്യപ്രദേശിലെ പത്രം

തിരുവനന്തപുരം

വികസനപ്രവർത്തനങ്ങളിലൂടെ ആ​ഗോളതലത്തിൽ അം​ഗീകാരം നേടിയ കോർപറേഷനെ കുറിച്ചുള്ള വാർത്ത മധ്യപ്രദേശിലെ ദിനപത്രത്തിൽ. മധ്യപ്രദേശിൽ പ്രസിദ്ധീകരിക്കുന്ന ദൈനിക് ഭാസ്കർ പത്രത്തിലാണ് തിരുവനന്തപുരം കോർപറേഷനെയും മേയർ ആര്യ രാജേന്ദ്രനെയും പരാമർശിച്ചുള്ള വാർത്ത പ്രസിദ്ധീകരിച്ചത്. യുഎൻ ഹാബിറ്റാറ്റ് ഷാങ്ഹായ് ​ഗ്ലോബൽ പുരസ്കാരം നേടിയ ഇന്ത്യയിലെ ഏക ന​ഗരമെന്ന നിലയിലാണ് കോർപറേഷന്റെ വികസനമാതൃകകൾ വിവരിച്ചുള്ള വാർത്ത എൻഡിഎ ഭരിക്കുന്ന മധ്യപ്രദേശിലെ പത്രത്തിൽ പ്രസിദ്ധീകരിച്ചത്. മധ്യപ്രദേശിൽ പ്രാവർത്തികമാക്കാവുന്ന വികസനങ്ങൾ വാർത്തയിൽ പ്രതിപാദിച്ചിട്ടുണ്ട്.