പരിശീലനത്തിനിടെ യോഗാ ട്രെയിനർ കുഴഞ്ഞുവീണ്‌ മരിച്ചു

ആലപ്പുഴ > പരിശീലനത്തിനിടെ യോഗാ ട്രെയിനർ കുഴഞ്ഞുവീണ്‌ മരിച്ചു. ഹരിപ്പാട്‌ സ്വദേശി രജിത (42) ആണ് മരിച്ചത്. ഇന്ന് രാവിലെ ഒമ്പതോടെയാണ്‌ സംഭവം. ഹരിപ്പാട് യോഗാ പരിശീലനം നൽകുന്നതിനിടെ രജിത കുഴഞ്ഞുവീഴുകയായിരുന്നു. ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. ഹൃദയസംബന്ധമായ തകരാറാണ് മരണകാരണമെന്നാണ്‌ പ്രാഥമിക നിഗമനം.