പാലക്കാട് ഫർണിച്ചർ കടയിൽ വൻ തീപിടിത്തം

പാലക്കാട് > പാലക്കാട് കല്ലടിക്കോട് ഫർണിച്ചർ കടയിൽ വൻ തീപിടിത്തം. ഉച്ചകഴിഞ്ഞ് മൂന്നോടെ മാപ്പിള സ്കൂള്‍ ജങ്ഷനിലെ റിറ്റ്സി ഫർണിച്ചര്‍ കടയിലാണ് തീപിടുത്തമുണ്ടായത്. മൂന്ന് നില കെട്ടിടത്തിലേക്ക് മുഴുവനായും തീപടർന്നു. കെട്ടിടത്തിൽ അക്ഷയ കേന്ദ്രം ഉൾപ്പെടെ വിവിധ സ്ഥാപാനങ്ങൾ പ്രവർത്തിക്കുന്നുണ്ട്. അ​ഗ്നിരക്ഷാ സേന തീയണയ്ക്കാനുള്ള ശ്രമങ്ങൾ തുടരുകയാണ്. തീപിടിത്തത്തെ തുടർന്ന് ദേശീയപാതയിൽ ഗതാഗതം തടസപ്പെട്ടു. സമീപത്ത് നിർത്തിയിട്ടിരുന്ന വാഹനങ്ങളിലേക്കും തീപടർന്നിരുന്നു. ആളപായമൊന്നും റിപ്പോർട്ട് ചെയ്തിട്ടില്ല.