നടൻ ബാല വിവാഹിതനായി

കൊച്ചി > നടന്‍ ബാല വിവാഹിതനായി. ബാലയുടെ ബന്ധു കോകിലയാണ് വധു. ഇന്ന് രാവിലെ കലൂരിലെ പാവക്കുളം മഹാദേവ ക്ഷേത്രത്തിലായിരുന്നു വിവാഹം. അടുത്ത ബന്ധുക്കള്‍ മാത്രമാണ് വിവാഹ ചടങ്ങില്‍ പങ്കെടുത്തത്. വീണ്ടും വിവാ​ഹിതനാകാൻ​ ആഗ്രഹിക്കുന്നതായി ബാല നേരത്തെ അറിയിച്ചിരുന്നു.

ഗായിക അമൃത സുരേഷിനെയാണ് ബാല ആദ്യം വിവാഹം ചെയ്തത്. അമൃതയ്ക്കും ബാലയ്ക്കും ഒരു മകളുണ്ട്. അമൃതയുമായുള്ള വിവാഹമോചനത്തിന് ശേഷം ബാല ഡോ. എലിസബത്തിനെ വിവാഹം ചെയ്തിരുന്നെങ്കിലും വിവാഹം നിയമപരമായി രജിസ്റ്റർ ചെയ്തിരുന്നില്ല.