കെഎസ്‍ടിഎ ചടയമം​ഗലം ഉപജില്ലാ സമ്മേളനം

ചടയമംഗലം

അംഗീകാരമില്ലാത്ത അൺ എയ്ഡഡ് വിദ്യാലയങ്ങൾ അടച്ചുപൂട്ടണമെന്ന് കെഎസ്‍ടിഎ ഉപജില്ലാ സമ്മേളനം ആവശ്യപ്പെട്ടു. നിലമേൽ ഗവ. യുപിഎസിൽ നടന്ന സമ്മേളനം സംസ്ഥാന ജനറൽ സെക്രട്ടറി  കെ ബദറുന്നീസ ഉദ്ഘാടനംചെയ്തു. ഉപജില്ലാ പ്രസിഡന്റ് ആർ സി ബിജു അധ്യക്ഷനായി. സെക്രട്ടറി  ജി വി രാജേഷ് സ്വാഗതംപറഞ്ഞു. സംസ്ഥാന എക്സിക്യൂട്ടീവ് അംഗങ്ങളായ ജി കെ ഹരികുമാർ, സുജു മേരി, സംസ്ഥാന കമ്മിറ്റി അംഗം എസ് സബിത, ജില്ലാ സെക്രട്ടറി  ബി സജീവ്, പ്രസിഡന്റ് കെ എൻ മധുകുമാർ, ജോയിന്റ് സെക്രട്ടറി വി എസ് ബൈസൽ, വൈസ് പ്രസിഡന്റ് പി കെ അശോകൻ, എക്സിക്യൂട്ടീവ് അംഗങ്ങളായ എസ് സുധീഷ്, ആർ അഭിലാഷ്, സംസ്ഥാന കൗൺസിൽ അംഗം ബി എസ് മഞ്ജുനാഥ്, ജില്ലാ കമ്മിറ്റി അംഗങ്ങളായ എ കെ സിറാജുദീൻ,  ജി എസ് റീന, ആർ രാജേഷ് എന്നിവർ സംസാരിച്ചു. ഭാരവാഹികൾ: ആർ സി ബിജു (പ്രസിഡന്റ്), എ കെ സിറാജുദീൻ (സെക്രട്ടറി), ആർ രാജേഷ് ( ട്രഷറർ).