റയോൺസ് ക്വാർട്ടേഴ്സിലെ 
24 കുടുംബങ്ങൾക്ക് പട്ടയമായി

പെരുമ്പാവൂർ
ട്രാവൻകൂർ റയോൺസ് ക്വാർട്ടേഴ്സിൽ താമസിക്കുന്ന തൊഴിലാളികളുടെ 24 കുടുംബങ്ങൾക്ക് റവന്യുമന്ത്രി കെ രാജൻ പട്ടയവിതരണം നടത്തി. അർഹരായ അവശേഷിക്കുന്നവരുടെ കാര്യവും ഗൗരവമായി പരിഗണിക്കുമെന്ന്‌ മന്ത്രി പറഞ്ഞു. എൽദോസ് കുന്നപ്പിള്ളി എംഎൽഎ അധ്യക്ഷനായി.

ജില്ലാ പഞ്ചായത്ത് പ്രസിഡന്റ് മനോജ് മൂത്തേടൻ, ജില്ലാ പഞ്ചായത്ത് അംഗങ്ങളായ ശാരദ മോഹൻ, ഷൈമി വർഗീസ്, കൂവപ്പടി ബ്ലോക്ക് പഞ്ചായത്ത് പ്രസിഡന്റ് എ ടി അജിത് കുമാർ, സി വി ശശി, പി ജെ തങ്കച്ചൻ, കെ ഡി ഷാജി എന്നിവർ സംസാരിച്ചു.