വയനാടിനായി ഓടിയത്‌
 നിജോയുടെ 6 ബസുകൾ

അങ്കമാലി
വയനാട്ടിലെ ദുരന്തബാധിതർക്കായി സിപിഐ എം എടലക്കാട് ബ്രാഞ്ച് അംഗം നിജോ വർഗീസ് തന്റെ ആറു ബസുകൾ ബുധനാഴ്ച സർവീസ് നടത്തി. കണ്ടക്ടറോടൊപ്പം പാർടിപ്രവർത്തകരും ബക്കറ്റുമായി യാത്രക്കാരിൽനിന്ന് കലക്‌ഷൻ എടുത്തു. സിപിഐ എം അങ്കമാലി ഏരിയ സെക്രട്ടറി കെ കെ ഷിബു ഫ്ലാഗ് ഓഫ് ചെയ്തു. മുഴുവൻ കലക്‌ഷനും മുഖ്യമന്ത്രിയുടെ ദുരിതാശ്വാസനിധിയിലേക്ക് നൽകും. 

വയനാട് ദുരന്തബാധിതർക്കായി തുറവൂർ പഞ്ചായത്തിലെ തലക്കോട്ടുപറമ്പ് - ഉതുപ്പുകവലയിലെ കർഷക കൺവൻഷനിൽനിന്ന് ശേഖരിച്ച തുക എൻ കെ സദാനന്ദൻ സിപിഐ എം ഏരിയ കമ്മിറ്റി അംഗം കെ വൈ വർഗീസിന് കൈമാറി.