കുടിവെള്ളമെത്തിച്ച്
ഡിവൈഎഫ്ഐ

തുറവൂർ

രൂക്ഷമായ കുടിവെള്ള ക്ഷാമം നേരിടുന്ന പ്രദേശങ്ങളിൽ വെള്ളമെത്തിച്ച് ഡിവൈഎഫ്ഐ. തുറവൂർ മേഖലാ കമ്മിറ്റിയുടെ നേതൃത്വത്തിൽ ആറ്, ഒമ്പത് വാർഡുകളിലാണ്‌ വെള്ളമെത്തിച്ചത്. എം എസ് അഭിജിത്ത്, രഘുനാഥ കർത്ത, എസ് വിഷ്ണു, എസ് ഉദയൻ, സജീവ് തുടങ്ങിയവർ നേതൃത്വംനൽകി. പഞ്ചായത്തിന്റെ കിഴക്കൻ പ്രദേശങ്ങളിൽ സമീപ ദിവസങ്ങളിലായി രൂക്ഷമായ ജലക്ഷാമമാണ്‌. കോൺഗ്രസ് നേതൃത്വംനൽകുന്ന പഞ്ചായത്ത് ഭരണസമിതി ഒരിടപെടലും നടത്തുന്നില്ലെന്നും പ്രവർത്തകർ പറഞ്ഞു.