രക്തസാക്ഷി കെ എസ്‌ കൃഷ്‌ണപിള്ളയുടെ സ്‌മരണ പുതുക്കി

തൊടുപുഴ

കെ എസ് കൃഷ്ണപിള്ളയുടെ 76-–ാം രക്തസാക്ഷി ദിനാചരണം സിപിഐ എം തൊടുപുഴ ഇ‍ൗസ്റ്റ്‌, വെസ്റ്റ്‌, മൂലമറ്റം, കരിമണ്ണൂർ ഏരിയ കമ്മിറ്റികൾ വിവിധ പരിപാടികളോടെ സംഘടിപ്പിച്ചു. ബ്രാഞ്ച്‌ കേന്ദ്രങ്ങളിൽ പ്രഭാതഭേരി, രക്തസാക്ഷി മണ്ഡപത്തിൽ പുഷ്‌പാർച്ചന, പതാക ഉയർത്തലും അനുസ്‌മരണ യോഗവും നടത്തി. ഇന്നത്തെ തൊടുപുഴ, ഇടുക്കി താലൂക്കുകൾ പ്രവർത്തന കേന്ദ്രമായ കമ്യൂണിസ്റ്റ് പാർടിയുടെ ലോക്കൽ സെക്രട്ടറിയായിരുന്നു കെ എസ് കൃഷ്ണപിള്ള. കോണ്‍ഗ്രസ് ഭരണാധികാരികള്‍ കമ്യൂണിസ്റ്റ് പാര്‍ടിയെ നിരോധിച്ച കാലയളവില്‍ പാര്‍ടി തീരുമാനപ്രകാരം ഒളിവില്‍ പോയ കെ എസ് കൃഷ്‍ണപിള്ളയെ 1950 ഏപ്രില്‍ 14ന് പൊലീസ് അറസ്റ്റ്ചെയ്‍തു. ക്രൂര മര്‍ദനത്തെ തുടര്‍ന്ന് അവശനായ കൃഷ്‍ണപിള്ളയെ മൂവാറ്റുപുഴ താലൂക്ക് ആശുപത്രിയില്‍ പ്രവേശിപ്പിച്ചു. ന

വംബര്‍ 27ന് രക്തസാക്ഷിയായി. വിവിധ കേന്ദ്രങ്ങളില്‍ സിപിഐ എം സംസ്ഥാന കമ്മിറ്റിയംഗം കെ പി മേരി, ജില്ലാ സെക്രട്ടറിയറ്റംഗം മുഹമ്മദ് ഫൈസല്‍, ജില്ലാ കമ്മിറ്റിയംഗങ്ങളായ വി വി മത്തായി, കെ എല്‍ ജോസഫ്, ഏരിയ സെക്രട്ടറിമാരായ ടി ആര്‍ സോമൻ, ടി കെ ശിവൻ നായര്‍, പി പി സുമേഷ്, ലിനു ജോസ് തുടങ്ങിയവര്‍ പതാകയുയര്‍ത്തി, സംസാരിച്ചു. തൊടുപുഴ ആലയ്‍ക്കലിൽ അനുസ്‌മരണ യോഗം തൊടുപുഴ വെസ്റ്റ് ഏരിയ കമ്മിറ്റിയംഗം ആർ പ്രശോഭ് ഉദ്ഘാടനം ചെയ്തു. കോലാനി ലോക്കൽ കമ്മിറ്റിയംഗം സി കെ ലതീഷ് അധ്യക്ഷനായി.