ജില്ലാ പൊലീസ് സ്‍പോർട്സ് മീറ്റ് തുടങ്ങി

തൊടുപുഴ

ജില്ലാ പൊലീസ് ആനുവൽ സ്‍പോർട്സ് മീറ്റിന് തൊടുപുഴ മുതലക്കോടം ഗ്രൗണ്ടിൽ തുടക്കമായി. വിവിധ പൊലീസ് ടീമുകൾ പങ്കെടുക്കുന്ന ക്രിക്കറ്റ് ടൂർണമെന്റ് ജില്ലാ പൊലീസ് മേധാവി കെ എം സാബു മാത്യു ഉദ്ഘാടനംചെയ്തു. ഇന്റലിജൻസ് ഡിവൈഎസ്‍പി ആർ സന്തോഷ് കുമാർ, തൊടുപുഴ ഡിവൈഎസ്‍പി പി കെ സാബു, പൊലീസ് അസോസിയേഷൻ ജില്ലാ പ്രസിഡന്റ് കെ എ അബ്ദുൽ റസാക്ക്, എം എസ് റിയാദ്, ബോബൻ ബാലകൃഷ്ണൻ, ഷാഹിദ് തുടങ്ങിയവർ പങ്കെടുത്തു. ക്രിക്കറ്റ് ടൂര്‍ണമെന്റ് ഞായറാഴ്ച സമാപിക്കും. ശേഷം മറ്റിനങ്ങള്‍ ജില്ലയുടെ വിവിധ മേഖലകളില്‍ ആരംഭിക്കും.