വാഗമണ്ണിൽ സിപിഐ എം ബ്രാഞ്ച് സെക്രട്ടറിയുടെ 
വീട് തോട്ടം ഉടമ ഇടിച്ചുനിരത്തി

ഏലപ്പാറ

വാഗമണ്ണിൽ സിപിഐ എം സെൻട്രൽ ബ്രാഞ്ച് സെക്രട്ടറിയുടെ വീട് തോട്ടം ഉടമ ഇടിച്ചുനിരത്തി. ചൊവ്വ രാവിലെയാണ് സംഭവം. വാഗമൺ പാറക്കെട്ട് ഭാഗത്ത് താമസിക്കുന്ന വേൽമുരുകന്റെ വീടാണ്‌ കോട്ടമല എംഎം ജെ പ്ലാന്റേഷൻ ഉടമയുടെ ഗുണ്ടകൾ ചേർന്ന് മണ്ണുമാന്തി യന്ത്രത്തിന്‌ ഇടിച്ചുനിർത്തിയത്. 
 വേൽമുരുകൻ താമസിക്കുന്ന വീട് സ്ഥലവുംതോട്ടം വകയാണെന്ന് കള്ളരേഖ ചമച്ചാണ്‌ പീരുമേട് ഡിവൈഎസ്പിക്ക് പരാതി നൽകി.

ബുധനാഴ്‌ച പരാതിയുടെ അടിസ്ഥാനത്തിൽ മുരുകന്റെ കുടുംബം സ്റ്റേഷനിൽ എത്തിയ സമയം നോക്കിയാണ് വീട് ഇടിച്ചുനിരത്തി തരിപ്പണമാക്കിയത്. വീട്ടിലേക്ക് കയറി പോകുന്ന നടപ്പുവഴിയും ഉടമ വേലികെട്ടി അടച്ചു. നാട്ടുകാർ പ്രതിഷേധവുമായി എത്തി വേലി പൊളിച്ചുമാറ്റി. സംഭവസ്ഥലത്ത് സിപിഐ എം ലോക്കൽ സെക്രട്ടറിമാരായ എൻ എം കുശൻ, റെജി സൈമൺ എന്നിവർ സന്ദർശിച്ചു. തോട്ടം ഉടമയുടെ നടപടിക്കെതിരെ ശക്തമായ പ്രതിഷേധം ഉയർന്നിട്ടുണ്ട്.