കരളായി സുഹൃത്ത്‌

പീരുമേട്

സുഹൃത്തിന്‌ കരൾ പകുത്തുനൽകി മാനവികതയുടെ മാതൃകയായ ഡിവൈഎഫ്ഐ തൃശൂർ ജില്ലാ കമ്മിറ്റിയംഗം പ്രേം ശങ്കറിന്‌ യുവതയുടെ ആദരം. ബുധനാഴ്ചയാണ് പ്രേം ശങ്കർ ആശുപത്രിയിൽനിന്ന്‌ ഭാര്യ രതിക തിലകിന്റെ പീരുമേട്ടിലെ വസതിയിൽ എത്തിയത്. ഡിവൈഎഫ്ഐ ഏലപ്പാറ ബ്ലോക്ക്‌ കമ്മിറ്റിയുടെ സ്‌നേഹോപഹാരം പ്രേം ശങ്കറിന്‌ ജില്ലാ പ്രസിഡന്റ്‌ ബി അനൂപ് വസതിയിൽ എത്തി കൈമാറി. ഡിവൈഎഫ്ഐ ബ്ലോക്ക് സെക്രട്ടറി പി പി പ്രശാന്ത്, പ്രസിഡന്റ്‌ അഫ്സൽ മുഹമ്മദ്‌ എന്നിവരുമുണ്ടായിരുന്നു. സിപിഐ എം ജില്ലാ സെക്രട്ടറിയറ്റംഗം ആർ തിലകന്റെ മകളാണ്‌ രതിക.