അടിമാലി ലക്ഷംവീട്‌ ഭാഗത്ത്‌ ഗതാഗതം പുനഃസ്ഥാപിച്ചു

അടിമാലി
ദേശീയപാത 85ല്‍ അടിമാലി ലക്ഷം വീട് ഭാഗത്ത് തടസ്സപ്പെട്ടിരുന്ന ഗതാഗതം പുനഃസ്ഥാപിച്ചു. ശനി രാവിലെ മുതല്‍ ഇതുവഴി വാഹനങ്ങള്‍ കടത്തിവിട്ടുതുടങ്ങി. ഒറ്റവരിയായിട്ടാണ് ഇരുവശങ്ങളിലേക്കും വാഹനഗതാഗതം ക്രമീകരിച്ചത്. ശക്തമായ മഴ മുന്നറിയിപ്പുകള്‍ ഉണ്ടായാല്‍ ഇതുവഴിയുള്ള ഗതാഗതം നിയന്ത്രിക്കണമെന്നതടക്കമുള്ള നിര്‍ദേശങ്ങളോടെയാണ് വാഹനഗതാഗതം പുനരാരംഭിച്ചിട്ടുള്ളത്.
കഴിഞ്ഞ മാസം 25ന് രാത്രിയിലായിരുന്നു ലക്ഷം വീട് ഭാഗത്ത് ദേശിയപാതയോരത്ത് വലിയ തോതില്‍ മണ്ണിടിച്ചില്‍ സംഭവിച്ചത്. നവീകരണ ജോലികള്‍ നടക്കുന്ന ഭാഗത്ത് പാതയോരത്തുനിന്നും മലയിടിഞ്ഞ് താഴേക്ക് പതിക്കുകയായിരുന്നു. ദുരന്തശേഷം പതിനാലാമത്തെ ദിവസമാണ് റോഡ് ഗതാഗതത്തിനായി തുറന്നുനല്‍കിയിട്ടുള്ളത്. ഇടിഞ്ഞെത്തിയ മണ്ണ് വലിയതോതില്‍ റോഡില്‍ കൂടിക്കിടക്കുന്ന സ്ഥിതിയുണ്ടായിരുന്നു. ഈ മണ്ണ് നീക്കംചെയ്തിട്ടുണ്ട്. മണ്ണിടിച്ചിലിനെ തുടര്‍ന്ന് റോഡില്‍ വിള്ളല്‍ രൂപം കൊണ്ടിരുന്നു. ദുരന്തമുണ്ടായ ഭാഗത്ത് ഉറവച്ചാലും രൂപപ്പെട്ടിട്ടുണ്ട്. റോഡിലെ മണ്ണ് നീക്കിയെങ്കിലും സംരക്ഷണഭിത്തി നിര്‍മാണമുൾപ്പെടെ സുരക്ഷ ഉറപ്പാക്കുന്ന മറ്റ് ജോലികള്‍ പൂര്‍ത്തീകരിക്കും. നവീകരണ ജോലികള്‍ നടക്കുന്ന ഭാഗത്ത് പാതയോരത്ത്‌ മണ്ണിടിച്ചിലിനെ തുടര്‍ന്ന് റോഡില്‍ വിള്ളല്‍ രൂപം കൊണ്ടിരുന്നു. ദുരന്തമുണ്ടായ ഭാഗത്ത് ഉറവച്ചാലും രൂപപ്പെട്ടിട്ടുണ്ട്. റോഡിലെ മണ്ണ് നീക്കിയെങ്കിലും സംരക്ഷണഭിത്തി നിര്‍മാണമടക്കം സുരക്ഷ ഉറപ്പാക്കുന്ന മറ്റ് ജോലികള്‍ പൂര്‍ത്തീകരിക്കേണ്ടതായുണ്ട്‌.