ഓര്‍മയില്‍ നിറഞ്ഞ് 
ആനത്തലവട്ടം ആനന്ദന്‍

മലപ്പുറം

സിഐടിയു സംസ്ഥാന പ്രസിഡന്റും മുതിർന്ന ട്രേഡ് യൂണിയൻ നേതാവുമായിരുന്ന ആനത്തലവട്ടം ആനന്ദന്റെ മൂന്നാം ചരമവാർഷിക ദിനം ജില്ലയിൽ വിപുലമായ പരിപാടികളോടെ സിഐടിയു നേതൃത്വത്തിൽ ആചരിച്ചു. തൊഴിൽകേന്ദ്രങ്ങളിൽ പതാക ഉയർത്തിയും അനുസ്മരണ യോഗങ്ങൾ നടത്തിയും സ്മരണ പുതുക്കി. മലപ്പുറത്ത് സിഐടിയു ജില്ലാ കമ്മിറ്റി ഓഫീസ് ഇമ്പിച്ചിബാവ മന്ദിരത്തിനുമുന്നിൽ ജില്ലാ പ്രസിഡന്റ്‌ കെ പി അനിൽ പതാക ഉയർത്തി. ജില്ലാ ട്രഷറർ ഇ എൻ ജിതേന്ദ്രൻ അധ്യക്ഷനായി. ഏരിയാ സെക്രട്ടറി കെ പി ഫൈസൽ സ്വാഗതവും ജില്ലാ കമ്മിറ്റി അംഗം സി നഫീസ നന്ദിയും പറഞ്ഞു.