കുടുംബശ്രീ ഹരിതസംഗമം സംഘടിപ്പിച്ചു

a

കുടുംബശ്രീ ഹരിതസംഗമം തദ്ദേശ വകുപ്പ് ജോ. ഡയറക്ടര്‍ ജോസഫ് സെബാസ്റ്റ്യന്‍ ഉദ്ഘാടനംചെയ്യുന്നു

വെബ് ഡെസ്ക്

Published on Jul 18, 2025, 12:15 PM | 1 min read

മലപ്പുറം

കുടുംബശ്രീ നേതൃത്വത്തിൽ ജില്ലയിലെ 111 സിഡിഎസുകളിലെ ഹരിതകർമ സേന കൺസോർഷ്യം ഭാരവാഹികളെ പങ്കെടുപ്പിച്ച്‌ ഹരിതസംഗമം സംഘടിപ്പിച്ചു. ജില്ലാ ആസൂത്രണ സമിതി ഹാളിൽ നടന്ന പരിപാടി തദ്ദേശവകുപ്പ് ജോ. ഡയറക്‌ടർ ജോസഫ് സെബാസ്റ്റ്യൻ ഉദ്ഘാടനംചെയ്‌തു.

ഹരിതകർമ സേന സംഘടനാ സംവിധാനം, അക്കൗണ്ട് കീപ്പിങ്, ഹരിതമിത്രം 2.0, അജൈവമാലിന്യ വികേന്ദ്രീകരണം എന്നിവയിൽ അവബോധം സൃഷ്ടിക്കുകയെന്ന ലക്ഷ്യത്തോടെയാണ്‌ സംഗമം നടത്തിയത്‌.

കുടുംബശ്രീ ജില്ലാ മിഷൻ കോ -ഓർഡിനേറ്റർ ബി സുരേഷ് കുമാർ അധ്യക്ഷനായി. ഹരിതകർമ സേന ജില്ലാ കോ -ഓർഡിനേറ്റർ വി എൻ ദൃശ്യ ക്ലാസെടുത്തു. കുടുംബശ്രീ അസി. ജില്ലാ മിഷൻ കോ ഓർഡിനേറ്റർ ആർ രഗീഷ്, ശുചിത്വമിഷൻ പ്രോഗ്രാം ഓഫീസർ സിറാജുദ്ദീൻ, ഹരിതകേരള മിഷൻ ജില്ലാ കോ ഓർഡിനേറ്റർ ഡോ. പി സീമ, ക്ലീൻ കേരള കമ്പനി മാനേജർ പി എസ്‌ വരുൺ ശങ്കർ എന്നിവർ സംസാരിച്ചു.j



deshabhimani section

Related News

View More
0 comments
Sort by

Deshabhimani

Subscribe to our newsletter

Quick Links


Home