ഓണാഘോഷവുമായി മലയോര ഗ്രാമങ്ങൾ

അഞ്ചൽ

ക്ലബ്ബുകളുടെയും സാംസ്കാരിക സംഘടനകളുടെയും നേതൃത്വത്തില്‍ കുളത്തൂപ്പുഴയുടെ വിവിധ പ്രദേശങ്ങളില്‍ ഓണാഘോഷം സംഘടിപ്പിച്ചു. കസേരകളി, വടംവലി, കണ്ണുകെട്ടി കുടമടി, ഉറിയടി, തലയണയടി, താറാവ്പിടുത്തം തുടങ്ങി പങ്കെടുക്കുന്നവരിലും കാഴ്ചക്കാരിലും ഒരേപോലെ ആവേശം നിറക്കുന്ന പരിപാടികളായിരുന്നു സംഘടിപ്പിച്ചിരുന്നത്. പ്രായം മറന്ന് ഊഞ്ഞാലുകളിലും കളികളിലും കൊച്ചുകുട്ടികളോടൊപ്പം പ്രായമായവരും പങ്കാളികളായി.