ഗാന്ധിഭവന് മെഡിക്കൽ ഉപകരണങ്ങൾ വിതരണംചെയ്തു

കൊട്ടാരക്കര

ഗാന്ധിഭവനിലെ ഭിന്നശേഷിക്കാർക്ക് സാമൂഹ്യനീതി, ശാക്തീകരണ വകുപ്പ് നൽകിയ മെഡിക്കൽ ഉപകരണങ്ങൾ ധനമന്ത്രി കെ എൻ ബാലഗോപാൽ കൈമാറി. കൊട്ടാരക്കരയിൽ നടന്ന ചടങ്ങിൽ കെഎസ്എഫ്ഇ ചെയർമാൻ കെ വരദരാജൻ അധ്യക്ഷനായി. കേന്ദ്രത്തിന്റെ രാഷ്ട്രീയ വയോശ്രീയോജന പദ്ധതിയിലൂടെ കോഴിക്കോട് സിആർസിയിൽ നിന്നുമാണ് വാക്കിങ്​ സ്റ്റിക്കുകൾ, ട്രൈപോഡുകൾ, എൽബോ ക്രച്ചസുകൾ, ഫൈനൽ സപ്പോർട്ടുകൾ, വീൽച്ചെയറുകൾ തുടങ്ങിയ ഉപകരണങ്ങൾ ലഭ്യമാക്കിയത്​. ഗാന്ധിഭവൻ സെക്രട്ടറി പുനലൂർ സോമരാജൻ, ചെയർപേഴ്സൺ ഷാഹിദകമാൽ, മാനേജിങ്​ ഡയറക്ടർ ബി ശശികുമാർ, അഡ്മിനിസ്ട്രേറ്റീവ് ഓഫീസർ ബി മോഹനൻ, അസിസ്റ്റന്റ് സെക്രട്ടറി ജി ഭുവനചന്ദ്രൻ, ഗാന്ധിഭവൻ സ്നേഹാശ്രമം വികസന സമിതി ചെയർമാൻ ബി പ്രേമാനന്ദന്ദ് എന്നിവർ പങ്കെടുത്തു.