17 September Tuesday
ബിൽ പാസാക്കുന്ന ആദ്യത്തെ ഏഷ്യൻ രാജ്യമായി തായ‌്‌വാൻ

ചരിത്രം കുറിച്ച‌് തായ‌്‌വാൻ; സ്വവർഗ വിവാഹം നിയമവിധേയമാക്കി

വെബ് ഡെസ്‌ക്‌Updated: Saturday May 18, 2019

തായ‌്പെയ‌്> തായ‌്‌വാനിൽ സ്വവർഗ വിവാഹം നിയമവിധേയമാക്കി. ഇതുസംബന്ധിച്ച ബിൽ 27നെതിരെ 66 വോട്ടുകൾക്കാണ‌് പാർലിമെന്റിൽ പാസായത‌്.  സ്വവർഗവിവാഹം നിയമവിധേയമാക്കുന്ന ആദ്യത്തെ ഏഷ്യൻ രാജ്യമാണ‌് തായ‌്‌വാൻ. ബിൽ പാസാക്കിയതോടെ ഇനി വിവാഹം സർക്കാർ ഏജൻസികളിൽ രജിസ്റ്റർ ചെയ്യാം.

കടുത്ത ഉപാധികളോടെ കുട്ടികളെ ദത്തെടുക്കാനുള്ള നിയമത്തിനും അംഗീകാരമായി.  മെയ‌് 24 മുതൽ നിയമം പ്രാബല്യത്തിൽ വരും.
മൂന്ന‌് ബില്ലാണ‌് പാർലിമെന്റിൽ വോട്ടിന‌് പരിഗണിച്ചത‌്. കൺസർവേറ്റീവ‌് പാർടി സ്വവർഗ വിവാഹത്തിനെതിരായി അവതരിപ്പിച്ച ബില്ലുകൾ പാസായില്ല. മറ്റു രണ്ട‌് ബില്ലിൽ ഏതെങ്കിലുമൊന്ന‌് ഭാവിയിൽ പാസായാൽതന്നെ ഭരണഘടനാ ലംഘനമെന്ന‌് ചൂണ്ടിക്കാട്ടി കോടതിയെ സമീപിക്കുമെന്ന‌് ഡെമോക്രാറ്റിക്ക‌് നേതാക്കൾ അറിയിച്ചു.

2017ലാണ‌് സ്വവർഗ വിവാഹത്തിന‌് അംഗീകാരം നൽകി തായ‌്‌വാൻ കോടതി വിധി പ്രസ‌്താവിച്ചത‌്. എന്നാൽ, സമൂഹത്തിൽനിന്ന‌് കടുത്ത പ്രതിഷേധമുയർന്നതിനാൽ നിരവധിതവണ അഭിപ്രായ വോട്ടെടുപ്പ‌് നടത്തേണ്ടി വന്നു. ഇതിനുശേഷമാണ‌് ഇപ്പോഴാണ‌് ബിൽ ഔദ്യോഗികമായി പാർലിമെന്റ‌് പാസാക്കിയത‌്.


പ്രധാന വാർത്തകൾ
 Top