24 January Friday

സൗദി ഹോട്ടലുകളില്‍ സ്ത്രീകള്‍ക്കും പുരുഷന്മാര്‍ക്കും ഇനി ഒരേ വഴി: നിയന്ത്രണം നീക്കുന്നു

വെബ് ഡെസ്‌ക്‌Updated: Monday Dec 9, 2019

റിയാദ്> സൗദിയില്‍ ഭക്ഷണശാലകളില്‍ സ്ത്രീകള്‍ക്കും പുരുഷന്മാര്‍ക്കും വ്യത്യസ്ത പ്രവേശന കവാടം വേണമെന്ന നിബന്ധന സര്‍ക്കാര്‍ നീക്കി. സൗദി നഗര-ഗ്രാമ കാര്യ വകുപ്പ് മന്ത്രാലയ വക്താവാണ്‌ ഇക്കാര്യം അറിയിച്ചത്. റസ്റ്റോറന്റുകളില്‍ നിലവില്‍ പുരുഷന്മാര്‍ക്ക് ഒരു കവാടവും സ്ത്രീകള്‍ക്കും കുടുംബങ്ങള്‍ക്കും പ്രത്യേക കവാടവുമാണ്.

കട ഉടമകള്‍ക്ക് പഴയ രീതി തുടരുന്നതിന് തടസ്സമുണ്ടാകില്ല. പക്ഷെ അത് നിയമപരമായി ഇനി നിര്‍ബ്ബന്ധമില്ല.

സൌദി അറേബ്യയില്‍ സ്ത്രീകള്‍ക്ക് വാഹനം ഓടിക്കാന്‍ 2017 ല്‍ അനുമതി നല്‍കിയിരുന്നു. 2018 ജൂണിലാണ്  നിയമം പ്രാബല്യത്തില്‍ വന്നത്. ദേശീയ ടെലിവിഷന്‍ ചാനലാണ് ഇക്കാര്യം റിപ്പോര്‍ട്ട് ചെയ്തത്. ലോകത്തില്‍ സ്ത്രീകള്‍ക്ക് വാഹനമോടിക്കാന്‍ അനുവാദമില്ലാതിരുന്ന ഒരേയൊരു രാജ്യമായിരുന്നു സൌദി.

അടുത്തിടെയുണ്ടായ നയം മാറ്റത്തിലൂടെ സ്ത്രീകള്‍ക്കുള്ള നിയന്ത്രണങ്ങള്‍ പലതും സൗദി നീക്കിവരികയാണ്.


പ്രധാന വാർത്തകൾ
 Top