16 July Tuesday

രഞ്‌ജിത്‌ ജോൺസൻ വധക്കേസിൽ 7 പ്രതികൾക്ക്‌ ജീവപര്യന്തം തടവ്‌

വെബ് ഡെസ്‌ക്‌Updated: Tuesday May 14, 2019

കൊല്ലം >പേരൂർ രഞ്‌ജിത്‌ ജോൺസൻ വധക്കേസിൽ 7 പ്രതികൾക്കും ജീവപര്യന്തം തടവ്‌. പ്രതികൾക്ക്‌ 25 വർഷം കഴിഞ്ഞുമാത്രമേ ജാമ്യം അനുവദിക്കാവൂ എന്നും ശിക്ഷ വിധിച്ച അഡീഷണൽ സെഷൻസ്‌ കോടതി പറഞ്ഞു. ഇരവിപുരം സ്വദേശി മനോജ്‌(പാമ്പ്‌ മനോജ്‌‐48). നെടുങ്ങോലം സ്വദേശി രഞ്‌ജിത്‌ (കാട്ടുണ്ണി‐ 32). പൂതക്കുളം പാണാട്ടുചിറയിൽ ബൈജു(കൈതപ്പുഴ ഉണ്ണി‐45), ഡീസൻറ്‌ ജങ്ഷൻ കോണത്തുകാവിന്‌ സമീപം പ്രണവ്‌(കുക്കു‐26), ഡീസൻറ്‌ ജങ്‌ഷൻ സ്വദേശി വിഷ്‌ണു(21), കിളിക്കൊല്ലൂർ പവിത്രം നഗറിൽ വിനേഷ്‌(44), വടക്കേവിള സ്വദേശി റിയാസ്‌(34) എന്നിവരെയാണ്‌ ശിക്ഷിച്ചത്‌.

കഴിഞ്ഞ ഓഗസ്‌റ്റിലാണ്‌ കേസിനാസ്‌പദമായ സംഭവം. ഒന്നാം പ്രതി മനോജിന്റെ ഭാര്യയെ കൂടെ താമസിപ്പിച്ചതിന്റെ വൈര്യാഗത്തിൽ രഞ്‌ജിത്ത്‌ ജോൺസനെ വീട്ടിൽനിന്നും വിളിച്ചിറക്കിക്കൊണ്ടുപോയി കൊലപ്പെടുത്തി തമിഴ്‌നാട്ടിൽ ക്വാറി അവശിഷ്‌ടങ്ങൾ തള്ളുന്ന കുഴിയിൽ കുഴിച്ചുമുടിയെന്നാണ്‌ കേസ്‌.

കഴിഞ്ഞ ഒമ്പത് വർഷമായി മനോജിന്റെ ഭാര്യ രഞ്‌ജിത്തിനൊപ്പമാണ്‌. അലങ്കാരപക്ഷികളുടെ വിൽപ്പനയുള്ള രഞ്‌ജിത്തിന്റെ വീട്ടിൽ അവ വാങ്ങാനെന്നോണം  എത്തിയ പ്രതികൾ മർദ്ദിച്ച്‌ അവശനാക്കി കൊണ്ടുപോയി കൊലപ്പെടുത്തുകയായിരുന്നു.


പ്രധാന വാർത്തകൾ
 Top