27 June Thursday

അമേരിക്കൻ ഇടപെടൽ ആത്മഹത്യാപരം; ഇറാൻ വിദേശമന്ത്രി

വെബ് ഡെസ്‌ക്‌Updated: Saturday May 18, 2019

ടെഹ‌്റാൻ> അമേരിക്ക ഇറാനുമേൽ സമ്മർദം അടിച്ചേൽപ്പിക്കുന്നത‌് തുടരുമെന്ന പ്രസ‌്താവന അംഗീകരിക്കാനാകാത്തതെന്ന‌് ഇറാൻ വിദേശകാര്യ മന്ത്രി മുഹമ്മദ‌് ജാവേദ‌് ഷരീഫ‌്. അമേരിക്കയുമായി ഇനി ചർച്ചയ്ക്കില്ല. കൂടുതൽ പടക്കോപ്പുകൾ ഗൾഫ‌് മേഖലയിലെത്തിക്കുകയാണെങ്കിൽ ജാഗ്രതയോടുകൂടി  ഇടപെടും. സംയമനത്തോടു കൂടിയാണ‌് യുഎസ‌് പ്രകോപനങ്ങളെ നോക്കിക്കാണുന്നതെന്നും ജാവേദ‌് ഷരീഫ‌് പറഞ്ഞു. ഇരുരാജ്യങ്ങളുടെയും തലവൻമാർ തങ്ങൾ യുദ്ധമാഗ്രഹിക്കുന്നില്ലെന്ന‌് നേരത്തെ ക്തമാക്കിയിരുന്നു.

അമ്മർദ്ദം തുടരുമെന്ന‌് അമേരിക്ക

ഇറാനുമേൽ ചെലുത്തുന്ന സമ്മർദം തുടരുമെന്ന‌് വൈറ്റ‌് ഹൗസ‌് പ്രസ് സെക്രട്ടറി സാറാ 
ആൻഡേർസൺ പറഞ്ഞു. അന്താരാഷ‌്ട്ര തലത്തിൽ ഇറാൻ നടത്തുന്ന ഇടപെടലുകളിൽ മാറ്റം വരുത്താനാണ‌് അമേരിക്ക ശ്രമിക്കുന്നത‌്. സ്വിറ്റ്സർലൻഡ‌് വഴി ഇറാനുമായി ആശയവിനിമയം നടത്തുന്നുണ്ടോ എന്ന ചോദ്യത്തിന‌് ആൻഡേഴ‌്സൺ മറുപടി നൽകിയില്ല. ഇറാനിൽ അമേരിക്കയ്ക്ക‌് എംബസി ഇല്ലാത്തതിനാൽ സ്വിറ്റ്സ‌ർലൻഡ‌് എംബസി വഴിയാണ‌് ഇറാനുമായി  ബന്ധപ്പെടാറുള്ളത‌്. ഇറാൻ ഏതെങ്കിലും തരത്തിൽ പ്രകോപനം സൃഷ‌്ടിക്കുകയാണെങ്കിൽ അമേരിക്ക ശക്തമായ രീതിയിൽ തിരിച്ചടിക്കും.

ഇറാൻ പ്രതിസന്ധി പരിഹരിക്കാൻ കഴിഞ്ഞ ദിവസം ഖത്തർ വിദേശകാര്യ മന്ത്രി ഷെയ‌്ഖ‌് മുഹമ്മദ‌് ബിൻ അബ‌്ദുൾ റഹ‌്മാൻ അൽതാനി  ഇറാൻ വിദേശകാര്യ മന്ത്രി മുഹമ്മദ‌് ജാവേദ‌് ഷരീഫ‌ിനെ സന്ദർശിച്ചിരുന്നു. പേർഷ്യൻ ഗൾഫ‌ിൽ  ഇറാൻ മിസൈൽ ഉൾക്കൊള്ളുന്ന ചെറുവള്ളങ്ങൾ സജ്ജമാക്കിയിട്ടുണ്ടെന്ന‌് അമേരിക്ക ആരോപിച്ചു. കരയിലും വെള്ളത്തിലും ആക്രമണം നടത്താൻ സാധിക്കുന്ന മിസൈലുകളാണ‌് ഇവയെന്നാണ‌് അമേരിക്കയുടെ വാദം.  ഇതിനാലാണ‌്  പടക്കോപ്പുകൾ ഗൾഫ‌് മേഖലയിൽ എത്തിച്ചതെന്നാണ‌് അമേരിക്ക അവകാശപ്പെടുന്നത‌്. അപകടഭീഷണി നിലനിൽക്കുന്നെന്നു കാണിച്ച‌് കഴിഞ്ഞ ദിവസം ഇറാൻ, ഇറാഖ‌് എന്നിവിടങ്ങളിൽനിന്ന‌്  അമേരിക്കൻ ഉദ്യോഗസ്ഥരെ നാട്ടിലേക്ക‌് തിരിച്ച‌ു. എന്നാൽ, അമേരിക്കയുടെ വാദങ്ങൾ ബാലിശമാണെന്ന‌് ഇറാൻ വ്യക്തമാക്കി


പ്രധാന വാർത്തകൾ
 Top