26 June Wednesday

വായനാപരിപാടി: ഡാര്‍ലി തോമസ് യാത്ര പറഞ്ഞു

വെബ് ഡെസ്‌ക്‌Updated: Sunday May 19, 2019

ഡാര്‍ലി തോമസ്

റിയാദ്> ചില്ലയുടെ മെയ്മാസ വായനാപരിപാടിയില്‍ സാംസ്‌കാരികപ്രവര്‍ത്തകനും വായനക്കാരനുമായ ഡാര്‍ലി തോമസ് സുഹൃത്തുക്കളോട് യാത്ര പറഞ്ഞു. വായനയും സംവാദവുമായി ചില്ലയുടെ പരിപാടികള്‍ കഴിഞ്ഞ അഞ്ച് വര്‍ഷം സജീവമായിരുന്ന ഡാര്‍ലി 2014 മുതല്‍ സൗദിയിലുണ്ട്.

 അല്‍ റജാ കമ്പനിയിലെ ഷിപ്പിങ് വകുപ്പ് ഉദ്യോഗസ്ഥനാണ്. പത്തനംതിട്ട റാന്നി ഉദിമൂട് സ്വദേശിയായ ഡാര്‍ലി  സൗദിയിലെത്തുന്നതിന് മുന്‍പ് 12 വര്‍ഷം ദില്ലിയിലെ ഒരു ഷിപ്പിങ് കമ്പനിയില്‍ ജോലിചെയ്തു. ദില്ലി മലയാളികളുടെ സാമൂഹ്യ സാംസ്‌കാരിക സംഘടനയായ ജനസംസ്‌കൃതിയില്‍ അംഗമായിരുന്നു.

 ജനസംസ്‌കൃതിയുമായുള്ള സമ്പര്‍ക്കമാണ് വായനയിലേക്ക് അടുപ്പിച്ചെതെന്നും, ചില്ലയിലെ കഴിഞ്ഞ അഞ്ചുവര്‍ഷത്തെ സൗഹൃദങ്ങള്‍ വായനയെ കൂടുതല്‍ ഗൗരവമാക്കിയിട്ടുണ്ടെന്നും ഡാര്‍ലി പറഞ്ഞു. നാട്ടില്‍ മടങ്ങി എത്തിയാലും സമാനമായ പ്രവര്‍ത്തങ്ങളില്‍ സജീവമാകുമെന്ന് ഡാര്‍ലി കൂട്ടിച്ചേര്‍ത്തു.

ഭാര്യ കിങ് സൗദ് യൂണിവേഴ്സിറ്റി സ്റ്റാഫ് നഴ്സ് ആന്‍സി തോമസ്. മക്കള്‍ അമീത് തോമസ് പ്ലസ് വണ്‍ വിദ്യാര്‍ത്ഥിയും ആദിത്യ തോമസ് ആറാം ക്ളാസിലുമാണ്.

 


പ്രധാന വാർത്തകൾ
 Top