16 September Monday

ദുബായ് അന്താരാഷ്ട്ര വിമാനത്താവളത്തിനു സമീപം ചെറുവിമാനം തകര്‍ന്ന് 4 മരണം

അനസ് യാസിന്‍Updated: Friday May 17, 2019

മനാമ> ദുബായ് അന്താരാഷ്ട്ര വിമാനത്താവളത്തിനു സമീപം ചെറുവിമാനം തകർന്നുവീണ് പൈലറ്റടക്കം നാലുപേർ മരിച്ചു. അപകടത്തെ തുടർന്ന‌് വ്യാഴാഴ്ച രാത്രി 7.36 മുതൽ 8.22 വരെ ദുബായ് വിമാനത്താവളത്തിലെ എല്ലാ സർവീസുകളും നിർത്തിവച്ചു. ഹണിവെൽ കമ്പനിയുടെ ഡിഎ42 വിമാനമാണ് മുഷ്‌റിഫ് പാർക്കിന് സമീപം തകർന്നത‌്. ടെറസ്ട്രിയൽ നാവിഗേഷൻ സംവിധാനത്തിന്റെ കൃത്യത പരിശോധിക്കാനുള്ള ഉദ്യമത്തിനു പുറപ്പെട്ടതായിരുന്നു നാലുപേർക്കിരിക്കാവുന്ന വിമാനം. ദുബായ് സിവിൽ ഏവിയേഷൻ അതോറിറ്റി പരിശോധന നടത്തി.

സാങ്കേതികത്തകരാറാകാം അപകടകാരണം. മൂന്നു ബ്രിട്ടീഷുകാരും ഒരു ദക്ഷിണാഫ്രിക്കക്കാരനുമാണ് വിമാനത്തിൽ ഉണ്ടായിരുന്നത്. വിമാനത്താവളത്തിൽ പുനരുദ്ധാരണ പ്രവർത്തനങ്ങൾക്കായി ഒരു റൺവേ 30 വരെ അടച്ചിട്ടിരിക്കുകയാണ്. രണ്ടാമത്തെ റൺവേയാണ് ഉപയോഗിക്കുന്നത്. ഒരു മണിക്കൂറോളം റൺവേ അടച്ചിട്ടതിനെത്തുടർന്ന് ചില വിമാനങ്ങൾ മക്തൂം വിമാനത്താവളത്തിലേക്ക് തിരിച്ചുവിട്ടു. എട്ടരയോടെ പ്രവർത്തനം പുനഃസ്ഥാപിച്ചു‌.

മറ്റു വാർത്തകൾ

പ്രധാന വാർത്തകൾ
 Top