20 September Friday

നിക്ഷേപകര്‍ക്കും പ്രതിഭകള്‍ക്കും യുഎഇയില്‍ ആറുമാസ വിസ

അനസ് യാസിന്‍Updated: Friday May 17, 2019
മനാമ> നിക്ഷേപകര്‍ക്കും പ്രതിഭകള്‍ക്കും സമര്‍ഥരായ വിദ്യാര്‍ഥികള്‍ക്കുമായി യുഎഇ ആറുമാസത്തെ മള്‍ട്ടിപ്പ്ള്‍ എന്‍ട്രി വിസ നല്‍കും. ദീര്‍ഘകലാ വിസ തേടുന്നവര്‍ക്കു രാജ്യത്തെത്തി നടപടികക്രമങ്ങള്‍ പൂര്‍ത്തിയാക്കാനാണിത്. ആറു മാസ ഇടക്കാല വിസയില്‍ പുതിയ മൂന്ന് സേവനങ്ങളാണ് ഫെഡറല്‍ അതോറിറ്റി ഫോര്‍ ഐഡന്റിറ്റി ആന്റ് സിറ്റിസണ്‍ഷിപ്പ് പ്രഖ്യാപിച്ചത്. താമസ നടപടിക്രമങ്ങള്‍ പൂര്‍ത്തിയാക്കാനായി നിക്ഷേപകര്‍ക്ക് ആറുമാസത്തിനിടെ എത്ര തവണ വേണമെങ്കിലും വന്നുപോകാനുള്ള വിസ, സംരംഭകര്‍ക്കും വിദ്യാര്‍ഥികള്‍ക്കും ആറു മാസത്തിനിടെ പല തവണ വന്നുപോകാനുള്ള വിസ, പ്രഗതഭരായ വ്യക്തികള്‍ക്ക് ആറു മാസത്തിനിടെ ഒരു പ്രാവശ്യം മാത്രം വന്ന് പോകാനുള്ള വിസ എന്നിവയാണ് ഈ സേവനങ്ങള്‍.
 
ദീര്‍ഘ കാല താമസം ആഗ്രഹിക്കുന്നവര്‍ക്ക് യുഎഇയതിലെ സൗകര്യങ്ങള്‍ വിലയിരുത്താനും താമസ നടപടിക്രമങ്ങള്‍ പൂര്‍ത്തീകരിക്കാനുമായാണ് ആറു മാസ വിസ അനുവദിച്ചതെന്ന് ഫോറിനേഴ്സ് അഫയേഴ്സ് ആന്റ് പോര്‍ട്സ് ഡയറക്ടര്‍ ജനറല്‍ മേജര്‍ ജനറല്‍ സഈദ് റകാന്‍ അല്‍ റഷീദി പറഞ്ഞു. 
നിക്ഷേപകരും സംരഭകരും ഉള്‍പ്പെടെ തെരഞ്ഞെടുക്കപ്പെട്ട വിഭാഗങ്ങളില്‍ വിദേശികള്‍ക്കും അവരുടെ കുടുംബാംങ്ങള്‍ക്കും ദീര്‍ഘ കലാ താമസ വിസ അനുവിദിക്കാന്‍ നേരത്തെ തരീരുമാനിച്ചിരുന്നു. ഇതിന് അപേക്ഷിക്കാനുള്ള ഓണ്‍ലൈന്‍ സേവവനം കഴിഞ്ഞ ദിവസം ആരംഭിച്ചു. ദീര്‍ഘ കാല താമസവിക്കായി ആറായിരം അപേക്ഷകളാണ് ആദ്യ ആഴ്ച ലഭിച്ചത്. 
 
 

 


പ്രധാന വാർത്തകൾ
 Top