09 December Friday

സൗദിയിലെ ബാർബർഷോപ്പുകൾക്ക് പുതിയ നിർദേശങ്ങൾ

എം എം നഈംUpdated: Wednesday Sep 28, 2022

റിയാദ്> ബാർബർ ഷോപ്പുകളിൽ പാലിക്കേണ്ടതും നടപ്പിലാക്കേണ്ടതുമായ നിയമങ്ങളെക്കുറിച്ചും ഉപഭോക്താക്കളുടെ അവകാശങ്ങളെക്കുറിച്ചും സൗദി വാണിജ്യ മന്ത്രാലയം നിയമങ്ങൾ വ്യക്തമാക്കി.  ഹെയർ സലൂണുകളിൽ പാലിക്കേണ്ട ഉപഭോക്തൃ അവകാശങ്ങളും കടമകളും ഉണ്ടെന്ന് വാണിജ്യ മന്ത്രാലയം അറിയിച്ചു.

സ്ഥാപനത്തിന്റെ പ്രധാന സ്ഥലത്ത് വിലവിവരപ്പട്ടിക സ്ഥാപിക്കണം,  ഇലക്ട്രോണിക് പേയ്‌മെന്റ് രീതികളുടെ ലഭ്യത ഉറപ്പുവരുത്തണം,  ഒരു പ്രത്യേക ടൂൾ ബാഗ് ഉപയോഗിക്കുന്നവർ ഒഴികെയുള്ളവരിൽ ഒറ്റത്തവണ ഉപയോഗിക്കാവുന്ന ഉപകരണങ്ങളുടെ ഉപയോഗം പാലിക്കണം,  തൂവാലകൾക്കും ഏപ്രണുകൾക്കും പകരം ഉയർന്ന നിലവാരമുള്ള പേപ്പർ ഉപയോഗിക്കണം തുടങ്ങിയ നിർദ്ദേശങ്ങളാണ് നൽകിയിട്ടുള്ളത്. 

അണുനശീകരണത്തിന് ആലം ഉപയോഗിക്കുന്നത് നിരോധിച്ചു.  ബാർബർ ഷോപ്പുകളിൽ  മുഖത്തും തലയിലുമുള്ള ചില ത്വക്ക് രോഗങ്ങളെ ചികിത്സിക്കുന്നതുപോലുള്ള മെഡിക്കൽ പ്രവർത്തനങ്ങൾ പരിശീലിക്കുന്നതും മന്ത്രാലയം  നിരോധിച്ചിട്ടുണ്ട്.  ബാർബർ തൊഴിലാളികൾ സാംക്രമിക രോഗങ്ങളിൽ നിന്ന് സുരക്ഷിതത്വം തെളിയിക്കുന്ന  ആരോഗ്യ സർട്ടിഫിക്കറ്റ് നേടിയിരിക്കണം എന്നും  മന്ത്രാലയം അറിയിച്ചു.   
 


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..




----
പ്രധാന വാർത്തകൾ
-----
-----
 Top