25 August Sunday

ശ്രീലങ്കയിലെ സ്‌ഫോടനം: കോയമ്പത്തൂരിൽ 7 ഇടങ്ങളിൽ എൻഐഎ റെയ്‌ഡ്‌

വെബ് ഡെസ്‌ക്‌Updated: Wednesday Jun 12, 2019

കോയമ്പത്തൂര്‍>  ശ്രീലങ്കയിൽ ഈസ്‌റ്റർ ദിനത്തിലുണ്ടായ  സ്‌ഫോടനങ്ങളുടെ  പശ്ചാത്തലത്തില്‍ തമിഴ്‌നാട്ടില്‍ ഐഎസ് ബന്ധം സംശയിക്കപ്പെടുന്ന വ്യക്തികളെ കേന്ദ്രീകരിച്ച്‌ എന്‍ഐഎ നടത്തുന്ന റെയ്ഡ് തുടരുന്നു.   ഏഴ് സ്ഥലങ്ങളിലാണ് എന്‍ഐഎ ഉദ്യോഗസ്ഥര്‍  പരിശോധന നടത്തുന്നത്. ഉക്കടം, പോത്തനൂര്‍, കുനിയപത്തുര്‍ ഉള്‍പ്പെടെയുളള സ്ഥലങ്ങളിലാണ് റെയ്ഡ്.ഇന്ന്‌ പുലർച്ചെ മുതലാണ്‌ റെയ്‌ഡ്‌ തുടങ്ങിയത്‌.

കഴിഞ്ഞ മാസം, തമിഴ് നാട്ടിലെ വിവിധയിടങ്ങളിലുള്ള എസ്ഡിപിഐ, പോപ്പുലര്‍ ഫ്രണ്ട്, തൗഹീദ് ജമാഅത്ത് ഓഫീസുകളില്‍ എന്‍ഐഎ റെയ്ഡ് നടത്തിയിരുന്നു. എന്‍ഐഎയുടെ കേരളത്തില്‍ നിന്നുള്ള പ്രത്യേക സംഘമായിരുന്നു കുംഭകോണം, കാരക്കല്‍ അടക്കമുള്ള സ്ഥലങ്ങളിലെ ഓഫീസുകളില്‍ റെയ്ഡ് നടത്തിയത്.

 ശ്രീലങ്കയിലെ സ്ഫോടനത്തിന് ദിവസങ്ങൾക്ക് മുമ്പ് അതിൽ ഉൾപ്പെട്ടിരുന്ന ഒരാൾ കോയമ്പത്തൂരിൽ എത്തിയിരുന്നെന്ന് എൻഐഎ സംഘം വിശദീകരിച്ചിരുന്നു. റെയ്‍ഡിൽ നിലവിൽ ആരെയും പിടികൂടിയിട്ടില്ല. ഹോട്ടലുകളടക്കമുള്ള സ്ഥലങ്ങൾ കേന്ദ്രീകരിച്ചാണ് റെയ്ഡ്.

അതേ സമയം, ഐഎസിലേക്ക് ആളുകളെ റിക്രൂട്ട് ചെയ്‌തുവെന്ന്‌  സംശയിക്കുന്നയാൾക്കെതിരെ എൻഐഎ കേസെടുത്തു. കോയമ്പത്തൂരുകാരനായ മുഹമ്മദ് അസറുദ്ദീനെതിരെയാണ് കേസെടുത്തത്.
 

മറ്റു വാർത്തകൾ

പ്രധാന വാർത്തകൾ
 Top