04 December Friday

"ഭരണഘടന സംരക്ഷിക്കുന്നത്‌ എങ്ങനെ രാജ്യദ്രോഹമാകും' ;പോരാട്ടം ബിജെപിക്കെതിരെ: തരിഗാമി

എം അഖിൽUpdated: Monday Oct 26, 2020

ന്യൂഡൽഹി > ഭരണഘടന സംരക്ഷിക്കാനുള്ള പോരാട്ടം എന്നുമുതലാണ്‌ രാജ്യദ്രോഹമായതെന്ന്‌‌ സിപിഐ എം കേന്ദ്രകമ്മിറ്റി അംഗം മുഹമ്മദ്‌ യൂസുഫ്‌ തരിഗാമി. ജമ്മു കശ്‌മീരിന്റെ പ്രത്യേകപദവി പുനഃസ്ഥാപിക്കണമെന്ന‌ ആവശ്യമുന്നയിച്ച്‌ ‌മുഖ്യധാരാ രാഷ്ട്രീയപാർടികൾ രൂപീകരിച്ച ‘പീപ്പിൾ അലയൻസ്‌ ഫോർ ഗുപ്‌കാർ ഡിക്ലറേഷൻ ’ (പിഎജിഡി) ദേശവിരുദ്ധമാണെന്ന ബിജെപിയുടെ ആരോപണത്തോട്‌ പ്രതികരിക്കുകയായിരുന്നു പിഎജിഡി കൺവീനർകൂടിയായ തരിഗാമി. വസ്‌തുതകൾ വളച്ചൊടിച്ച്‌ ജനങ്ങളെ തെറ്റിദ്ധരിപ്പിക്ക‌ൽ‌ ബിജെപിയുടെ സ്ഥിരം അടവാണെന്നും തരിഗാമി ദേശാഭിമാനിയോട്‌  പറഞ്ഞു.

രാജ്യസ്‌നേഹത്തിന്റെ കുത്തകാവകാശം ആരാണ്‌ ബിജെപിക്ക്‌ നൽകിയത്‌? ജമ്മു കശ്‌മീരിന്‌ ഭരണഘടന അനുവദിച്ചിരുന്ന അവകാശങ്ങൾ കേന്ദ്രസർക്കാർ ഏകപക്ഷീയമായി റദ്ദാക്കി. അതിനെതിരെ പ്രതിഷേധിക്കാനുള്ള അവകാശം ഞങ്ങൾക്കുണ്ട്‌. ഇത്‌ ഞങ്ങളുടെ രാജ്യമാണ്‌.

ഭരണഘടനയ്‌ക്ക്‌ എതിരായ കടന്നാക്രമണം പ്രതിരോധിക്കാനാണ്‌ ജമ്മു കശ്‌മീരിലെ പാർടികൾ ജനകീയസഖ്യം രൂപീകരിച്ചിട്ടുള്ളത്‌. അത്‌ രാജ്യദ്രോഹമാണോ എന്ന്‌ ‌ ജനങ്ങളാണ്‌ വിലയിരുത്തേണ്ടത്‌.  നീണ്ട കൂടിയാലോചനകൾക്കും ചർച്ചകൾക്കും ശേഷമാണ്‌ കോൺസ്‌റ്റിറ്റ്യുവെന്റ്‌ അസംബ്ലി  370–-ാം അനുച്ഛേദം അംഗീകരിച്ചത്‌. നെഹ്‌റു അമേരിക്ക സന്ദർശിക്കുന്ന സമയമായതിനാൽ‌  ‌‌‌സർദാർ പട്ടേലിന്റെ മേൽനോട്ടത്തിലാണ്‌ ഇതെല്ലാം‌ നടന്നത്‌‌. ഈ വസ്‌തുതകൾ തമസ്‌കരിച്ചാണ്‌ ബിജെപി 370–-ാം അനുച്ഛേദം റദ്ദാക്കിയത്‌. പിന്നീട്‌ ജമ്മു കശ്‌മീർ തുറന്ന ജയിലായി. ഞങ്ങളുടെ പോരാട്ടം ബിജെപിക്ക്‌ എതിരെ ആണെന്ന്‌ തിരിച്ചറിയണം. കേരളം ഉൾപ്പെടെ സംസ്ഥാനങ്ങളിലെ ജനങ്ങളുടെ പിന്തുണ ഉണ്ടാകണമെന്നും തരിഗാമി പറഞ്ഞു.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..


----
പ്രധാന വാർത്തകൾ
-----
-----
 Top