ഭുവനേശ്വര്
ബാലസോറിലെ ട്രെയിന് ദുരന്തത്തില് വര്ഗീയത പടര്ത്തരുതെന്ന് ഒഡിഷ പൊലീസിന്റെ മുന്നറിയിപ്പ്. ദുരന്തസ്ഥലത്തിന് സമീപം പള്ളിയുണ്ടെന്നും വെള്ളിയാഴ്ചയുണ്ടായ അപകടത്തിന് പിന്നില് മുസ്ലിങ്ങളാണെന്നുമാണ് തീവ്രഹിന്ദുത്വവാദികള് സമൂഹമാധ്യമങ്ങളില് പ്രചരിപ്പിക്കുന്നത്.
അപകടത്തിന്റെ ആകാശചിത്രത്തില് മോസ്കിന്റെ ചിത്രം മോര്ഫ്ചെയ്ത് ചേര്ത്താണ് വിദ്വേഷപ്രചാരണം നടത്തുന്നത്. എന്നാല് ഇത്തരംചിത്രങ്ങള് വ്യാജമാണെന്ന്അള്ട്ട് ന്യൂസ് അടക്കമുള്ള ഫാക്ട് ചെക്കിങ് മാധ്യമങ്ങള് വെളിപ്പെടുത്തി.
സമൂഹമാധ്യമങ്ങളിലും മറ്റും വര്ഗീയത കലര്ത്തിയ വ്യാജവാര്ത്തകള് പ്രചരിക്കുന്നത് നിര്ഭാഗ്യകരമാണെന്നും അഭ്യൂഹങ്ങള് പ്രചരിപ്പിച്ച് സംഘര്ഷം സൃഷ്ടിക്കാന് ശ്രമിക്കുന്നവര്ക്കെതിരെ നിയമ നടപടിയെടുക്കുമെന്നും ഒഡിഷ പൊലീസ് ട്വീറ്റ് ചെയ്തു.
ദേശാഭിമാനി വാർത്തകൾ ഇപ്പോള് വാട്സാപ്പിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
