22 September Tuesday

കരിപ്പൂര്‍ അപകടം; സമഗ്രഅന്വേഷണം വേണം: പിബി

സ്വന്തം ലേഖകൻUpdated: Sunday Aug 9, 2020

ന്യൂഡൽഹി > കരിപ്പൂര്‍ വിമാനത്താവളത്തിലെ എയർഇന്ത്യ എക്‌സ്‌പ്രസ്‌ അപകടത്തെക്കുറിച്ച്‌ സമഗ്രവും സത്വരവുമായ അന്വേഷണം വേണമെന്നും ഇത്തരം ദുരന്തം ആവർത്തിക്കില്ലെന്ന്‌ ഉറപ്പാക്കണമെന്നും സിപിഐ എം പൊളിറ്റ്‌ബ്യൂറോ ആവശ്യപ്പെട്ടു. ദുബായിൽനിന്നെത്തിയ വിമാനം പ്രതികൂല കാലാവസ്ഥയിൽ ഇറങ്ങവെയാണ്‌ അപകടമുണ്ടായത്‌. ഇരുപതോളം പേരുടെ  മരണത്തിനിടയാക്കിയ അപകടത്തിൽ പിബി അഗാധമായ ദുഃഖം രേഖപ്പെടുത്തി. മരണമടഞ്ഞവരുടെ കുടുംബാംഗങ്ങളെ പിബി അനുശോചനം അറിയിച്ചു.

ഇടുക്കി മണ്ണിടിച്ചിൽ

ഇടുക്കിയിൽ  മണ്ണിടിച്ചിലിൽ  22 തേയില തോട്ടം തൊഴിലാളികൾ മരിച്ചതിൽ പൊളിറ്റ്‌ബ്യൂറോ ദുഃഖം പ്രകടിപ്പിച്ചു. കനത്ത മഴയെ തുടർന്നുണ്ടായ പ്രകൃതിദുരന്തത്തിൽ  ഒട്ടേറെപ്പേരെ കാണാതായി‌. ദുരന്തബാധിതർക്ക്‌ ആശ്വാസം എത്തിക്കാൻ എല്ലാ നടപടിയും സ്വീകരിക്കണമെന്ന്‌ പിബി ആവശ്യപ്പെട്ടു.


ദേശാഭിമാനി ഇപ്പോള്‍ ടെലഗ്രാമിലും ലഭ്യമാണ്‌. കൂടുതല്‍ വാര്‍ത്തകള്‍ക്കും അപ്ഡേറ്റുകള്‍ക്കുമായി ടെലഗ്രാം ചാനല്‍ സബ്സ്ക്രൈബ് ചെയ്യാം.


----
പ്രധാന വാർത്തകൾ
-----
-----
 Top