20 October Tuesday

കോവിഡ്‌: ഡൽഹിയിലും യുപിയിലും അയ്യായിരം കടന്ന്‌ മരണം

വെബ് ഡെസ്‌ക്‌Updated: Tuesday Sep 22, 2020


ന്യൂഡൽഹി> യുപിയിലും ഡൽഹിയിലും കോവിഡ്‌ മരണം അയ്യായിരം കടന്നു. ഡൽഹിയിൽ തിങ്കളാഴ്‌ച 2548 പുതിയ രോഗബാധയും 32 മരണവും റിപ്പോർട്ടുചെയ്‌തു. ആകെ രോഗികൾ 2,49,259 ലെത്തി. ആകെ മരണം 5014 ആയി.

യുപിയിൽ കോവിഡ്‌ കേസുകൾ മൂന്നര ലക്ഷം കടന്നപ്പോൾ മരണം 5100 ലേറെയായി. രാജ്യത്ത്‌‌ കോവിഡ്‌ രോഗബാധിതരുടെ എണ്ണം 55 ലക്ഷം കടന്നു. കോവിഡ്‌ ബാധിച്ച്‌ മരിച്ചവരുടെ എണ്ണം 89000 ത്തിലേക്ക്‌ അടുത്തു. 24 മണിക്കൂർ കാലയളവിൽ 86961 പേർക്കുകൂടി രോഗം സ്ഥിരീകരിച്ചതായി ആരോഗ്യമന്ത്രാലയം അറിയിച്ചു. 1130 പേർ കൂടി മരിച്ചു.  

രാജ്യത്ത്‌ ഞായറാഴ്‌ച റിപ്പോർട്ടുചെയ്യപ്പെട്ട കോവിഡ്‌‌ മരണങ്ങളിൽ 86 ശതമാനത്തോളം 10 സംസ്ഥാന/ കേന്ദ്രഭരണ പ്രദേശങ്ങളിൽ നിന്നാണ്. മഹാരാഷ്ട്രയിൽ 455 ഉം കർണാടകയിൽ 101 ഉം ഉത്തർപ്രദേശിൽ 94 ഉം മരണം റിപ്പോർട്ടുചെയ്‌തു.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..

മറ്റു വാർത്തകൾ

----
പ്രധാന വാർത്തകൾ
-----
-----
 Top