29 May Friday

ജനാധിപത്യത്തോട്‌ ബിജെപിക്ക്‌ അവജ്ഞ: പിബി

സ്വന്തം ലേഖകൻUpdated: Thursday Mar 12, 2020

ന്യൂഡൽഹി > അവസരവാദികളെ കൂട്ടുപിടിച്ച് രാഷ്ട്രീയകുതിരക്കച്ചവടത്തിലൂടെ മധ്യപ്രദേശിലെ കോൺഗ്രസ്‌ സർക്കാരിനെ അട്ടിമറിക്കാൻ ശ്രമിക്കുന്നതിലൂടെ  ബിജെപിക്ക്‌ ജനാധിപത്യത്തോടുള്ള അവജ്ഞ വീണ്ടും പുറത്തുവന്നെന്ന്‌ സിപിഐ എം പൊളിറ്റ്‌ബ്യൂറോ പ്രസ്‌താവനയിൽ പറഞ്ഞു. ജനവിധിക്ക്‌ എതിരായ നീക്കമാണ്‌ ബിജെപി നടത്തുന്നത്‌.

പൗരത്വനിയമഭേദഗതി - എൻപിആർ - എൻആർസി പ്രക്രിയക്കെതിരെ  ബിജെപിയിതര സംസ്ഥാന സർക്കാരുകൾ രംഗത്തുവന്ന സാഹചര്യത്തിലാണ്‌ ഈ സർക്കാരുകളെ അട്ടിമറിക്കാൻ ബിജെപി ശ്രമിക്കുന്നത്‌. ബിജെപിയുടെ പണശക്തിക്കും രാഷ്ട്രീയകുതിരക്കച്ചവടത്തിനും ഭീഷണികൾക്കും പ്രലോഭനങ്ങൾക്കും  എതിരെ ബിജെപിയിതര സർക്കാരുകൾ ജാഗ്രത പാലിക്കണമെന്ന്‌ പിബി ആവശ്യപ്പെട്ടു.

മറ്റു വാർത്തകൾ

പ്രധാന വാർത്തകൾ
 Top