18 November Monday

എ കെ സുധീര്‍ നമ്പൂതിരി ശബരിമല മേൽശാന്തി,എം എസ് പരമേശ്വരന്‍ നമ്പൂതിരി മാളികപുറം മേൽശാന്തി

വെബ് ഡെസ്‌ക്‌Updated: Saturday Aug 17, 2019

എ കെ സുധീര്‍ നമ്പൂതിരിയും എം എസ് പരമേശ്വരന്‍ നമ്പൂതിരിയും

സന്നിധാനം> ശബരിമല മേല്‍ശാന്തിയായി എ കെ സുധീര്‍ നമ്പൂതിരിയെയും മാളികപുറം മേൽശാന്തിയായി  എം എസ് പരമേശ്വരന്‍ നമ്പൂതിരിയെയും തെരഞ്ഞെടുത്തു.

മലപ്പുറം തിരുനാവായ സ്വദേശിയാണ് സുധീര്‍ നമ്പൂതിരി. അടുത്ത മണ്ഡലകാലം മുതല്‍ ഒരുവര്‍ഷം ശബരിമലയിലെ ശാന്തി ചുമതല സൂധീര്‍ നമ്പൂതിരിക്കാണ്. പരിശീലനത്തിന്  ശേഷമായിരിക്കും അടുത്ത സീസണ്‍ മുതല്‍ സുധീര്‍ നമ്പൂതിരി ചുമതലയേറ്റെടുക്കുക.

എറണാകുളം പുളിയനം സ്വദേശിയാണ് പരമേശ്വരന്‍ നമ്പൂതിരി. നിലവിലെ മേല്‍ശാന്തിമാരുടെയും ദേവസ്വം ബോര്‍ഡ് പ്രസിഡന്‍റിന്‍റെയും ഹൈക്കോടതി നിയോഗിച്ച സ്പെഷ്യല്‍ കമ്മീഷണര്‍ ഉള്‍പ്പെടെയുള്ളവരുടെ സാനിധ്യത്തിലായിരുന്നു നടപടിക്രമങ്ങള്‍ പൂര്‍ത്തിയാക്കിയത്. ചിങ്ങമാസ പൂജകള്‍ക്ക് ശേഷം 21 ന് രാത്രി ശബരിമല അടയ്ക്കും.


പ്രധാന വാർത്തകൾ
 Top