07 February Tuesday
മുനിസിപ്പൽ എൻജിനിയറെ മുറിയിൽ പൂട്ടിയിട്ട സംഭവം

നഗരസഭാ ഓഫീസിലേക്ക് മാര്‍ച്ച്‌

വെബ് ഡെസ്‌ക്‌Updated: Tuesday Nov 29, 2022

അഴിമതിക്ക് കൂട്ടു നില്‍ക്കുന്ന നഗരസഭാ ചെയര്‍മാന്‍ രാജിവയ്‌ക്കണം എന്നാവശ്യപ്പെട്ട് എല്‍ഡിഎഫ് മുനിസിപ്പല്‍ കമ്മിറ്റി നഗരസഭാ ഓഫീസിനു മുന്നില്‍ നടത്തിയ ധര്‍ണ സിപിഐ എം ഏരിയകമ്മിറ്റിയംഗം കെ പി തോമസ് ഉദ്‌ഘാടനം ചെയ്യുന്നു

ചാലക്കുടി
അഴിമതിക്ക് കൂട്ടുനിൽക്കുന്ന നഗരസഭാ ചെയർമാൻ രാജിവയ്ക്കുക, മുനിസിപ്പൽ എൻജിനിയറെ മുറിയിൽ പൂട്ടിയിട്ട് വധഭീഷണി മുഴക്കിയ കോൺഗ്രസ്‌ കൗൺസിലറെ അറസ്റ്റ് ചെയ്യുക തുടങ്ങിയ ആവശ്യങ്ങളുന്നയിച്ച് എൽഡിഎഫ് മുനിസിപ്പൽ കമ്മിറ്റിയുടെ നേതൃത്വത്തിൽ നഗരസഭാ ഓഫീസിലേക്ക് മാർച്ച്‌ നടത്തി. സിപിഐ എം ഏരിയ കമ്മിറ്റിയംഗം കെ പി തോമസ്   ഉദ്‌ഘാടനം ചെയ്തു. കേരള കോൺഗ്രസ് എം സംസ്ഥാന സ്റ്റിയറിങ്‌ കമ്മിറ്റിയംഗം ഡെന്നീസ് കെ ആന്റണി അധ്യക്ഷനായി. 
ടി പി ജോണി, ജെനീഷ് പി ജോസ്, പി എസ് സന്തോഷ്, എ എം ഗോപി, കെ ഐ അജിതൻ, ജിൽ ആന്റണി തുടങ്ങിയവർ സംസാരിച്ചു.  ബിജെപി പിന്തുണയോടെ സ്വതന്ത്രനായി വിജയിച്ച,  ഈയടുത്ത് കോൺഗ്രസിൽ ചേർന്ന കൗൺസിലർ  രണ്ടു ദിവസം മുമ്പാണ്  മുനിസിപ്പൽ എൻജിനിയറെ ആക്രമിക്കാൻ ശ്രമിച്ചത്. കൗൺസിലറുടെ വാർഡിൽ അനധികൃതമായി നിർമാണം നടത്തുന്ന കെട്ടിടത്തിന് പെർമിറ്റ് നൽകാത്തതിൽ പ്രതിഷേധിച്ചാണ് എൻജിനിയറെ   മുറിയിലിട്ടു പൂട്ടിയത്.

ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



മറ്റു വാർത്തകൾ
----
പ്രധാന വാർത്തകൾ
-----
-----
 Top