06 December Monday

പി ടി തോമസ്‌ പൊതുപ്രവർത്തനത്തെ അധോലോകപ്രവർത്തനമാക്കി: എ വിജയരാഘവൻ

വെബ് ഡെസ്‌ക്‌Updated: Sunday Oct 18, 2020


പി ടി തോമസ് എംഎൽഎ പൊതുപ്രവർത്തനത്തെ അധോലോകപ്രവർത്തനമാക്കിയെന്ന് എൽഡിഎഫ്‌ കൺവീനർ എ വിജയരാഘവൻ. ഭൂമാഫിയയുടെ ഒത്തുതീർപ്പ് സംഘത്തിന്റെ നായകസ്ഥാനം അലങ്കരിക്കാൻ എംഎൽഎ ഇറങ്ങിയത് അപമാനകരമാണ്‌. ഇക്കാര്യത്തിൽ വിജിലൻസ്‌ അന്വേഷണം വേണമെന്ന്‌ അദ്ദേഹം പറഞ്ഞു. എംഎൽഎ ഉൾപ്പെട്ട കള്ളപ്പണമിടപാടിൽ വഞ്ചിക്കപ്പെട്ട ഇടപ്പള്ളി അഞ്ചുമനയിലെ സ്ഥല ഉടമ രാജീവനെ സന്ദർശിച്ചശേഷം മാധ്യമപ്രവർത്തകരോട്‌ സംസാരിക്കുകയായിരുന്നു അദ്ദേഹം.

നാട്ടു മധ്യസ്ഥത്തിന് ജെസിബിയുമായി പോകുന്നത് ചരിത്രത്തിൽ ആദ്യമായിരിക്കും. ലക്ഷങ്ങളുടെ കൈമാറ്റത്തിന് എംഎൽഎ അധ്യക്ഷനായത്‌ കേട്ടുകേൾവി ഇല്ലാത്തതാണ്‌.  സിപിഐ എമ്മിന്റെ ഇടപെടലിലൂടെ ആണ് തീവെട്ടിക്കൊള്ള തടയാനായത്. അതിനാലാണ്‌ വിഷയത്തിൽ മുഖ്യമന്ത്രിക്ക് പരാതി നൽകിയ സിപിഐ എം ഏരിയ കമ്മിറ്റി അംഗം എ എൻ സന്തോഷിനെ ആക്രമിക്കാനുള്ള ശ്രമം നടന്നത്‌–- എ വിജയരാഘവൻ പറഞ്ഞു.

സിപിഐ എം ജില്ലാ സെക്രട്ടറി സി എൻ മോഹനൻ, സംസ്ഥാന കമ്മിറ്റി അംഗം സി എം ദിനേശ്‌മണി, വൈറ്റില ഏരിയ സെക്രട്ടറി കെ ഡി വിൻസെന്റ്‌, ഏരിയ കമ്മിറ്റി അംഗം എ ജി ഉദയകുമാർ, വെണ്ണല ലോക്കൽ സെക്രട്ടറി കെ ടി സാജൻ എന്നിവരും അദ്ദേഹത്തോടൊപ്പമുണ്ടായിരുന്നു.
 


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



മറ്റു വാർത്തകൾ

----
പ്രധാന വാർത്തകൾ
-----
-----
 Top