28 November Saturday

കേരളപ്പിറവി ദിനത്തിൽ എസ്കലേറ്റർ മേൽപ്പാലം നാടിന‌്

വെബ് ഡെസ്‌ക്‌Updated: Wednesday Oct 28, 2020

കോഴിക്കോട് പുതിയ ബസ്‌ സ്റ്റാൻഡ‌ിന്‌ സമീപത്തെ എസ്കലേറ്റർ മേൽപ്പാലം അവസാനഘട്ട നിർമാണത്തിൽ

  കോഴിക്കോട‌്
പുതിയ ബസ‌്സ‌്റ്റാൻഡ‌ിന്‌ സമീപത്ത‌് അന്താരാഷ‌്ട്ര നിലവാരത്തിൽ നിർമിച്ച  എസ്കലേറ്റർ മേൽപ്പാലം നവംബർ ഒന്നിന് മുഖ്യമന്ത്രി പിണറായി വിജയൻ ഓൺലൈനിൽ  ഉദ്ഘാടനംചെയ്യും. 
സംസ്ഥാനത്തെ ആദ്യ എസ്കലേറ്റർ മേൽപ്പാലമാണിത്. പകൽ 12നാണ‌് ചടങ്ങ‌്. അവസാനഘട്ട ഇലക‌്ട്രിക്കൽ ജോലികളാണ‌്  പാലത്തിൽ പുരോഗമിക്കുന്നത‌്. 
 ഇരുഭാഗങ്ങളിലും എസ്കലേറ്ററും ലിഫ്റ്റും സ്ഥാപിച്ചു. പടികളിൽ ഗ്രാനൈറ്റ് വിരിച്ചിട്ടുണ്ട‌്. മേൽക്കൂരയിൽ ഷീറ്റിടലും  പാലത്തിന്റെ ഭിത്തികളിൽ ഗ്ലാസിടലും പൂർത്തിയായി. 11.5 കോടി ചെലവിട്ട പാലത്തിന‌് ആറരമീറ്റർ ഉയരമുണ്ട‌്. മൂന്ന് മീറ്റർ വീതിയും 25.37 മീറ്റർ നീളവുമുണ്ട‌്.  
ഒരേസമയം 13 പേർക്ക്  ലിഫ്റ്റിലും മണിക്കൂറിൽ 11,700 പേർക്ക‌്  എസ്കലേറ്ററിലും  നടപ്പാലത്തിൽ ഒരേസമയം 300 പേർക്കും കയറാം.ഊരാളുങ്കൽ ലേബർ കോൺട്രാക്ട‌് കോ ഓപ്പറേറ്റീവ‌് സൊസൈറ്റിക്കാണ‌് നിർമാണച്ചുമതല.

 


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..

----
പ്രധാന വാർത്തകൾ
-----
-----
 Top