22 October Thursday
350 ഓളം തൊഴിലാളികൾക്ക്‌ പണിയും പോയി

യുഡിഎഫ്‌ നുണ പരത്തി; വടക്കാഞ്ചേരിയിൽ പണി നിർത്തി ; 140 കുടുംബങ്ങളുടെ പ്രതീക്ഷക്കുമേൽ കരിനിഴൽ

വെബ് ഡെസ്‌ക്‌Updated: Tuesday Sep 29, 2020



പ്രതിപക്ഷത്തിന്റെ തുടർച്ചയായ നുണ പ്രചാരണങ്ങൾക്കൊടുവിൽ ലൈഫ് മിഷൻ പദ്ധതി വഴി ഭവന–-- ഭൂരഹിതർക്കായി  വടക്കാഞ്ചേരി ചരൽപറമ്പിൽ പണിയുന്ന ഫ്ളാറ്റ് നിർമാണം നിർത്തിവച്ചു. ഫ്ളാറ്റ് നിർമാണ കരാർ ഏജൻസിയായ യൂണിടാക്‌  ഇമെയിൽ വഴി ലൈഫ്‌ മിഷനെ ഇക്കാര്യം അറിയിച്ചു. തിങ്കളാഴ്ച ഫ്ളാറ്റിന്റെ നിർമാണ പ്രവർത്തനം ഒന്നും തന്നെ നടന്നിട്ടില്ല. രാവിലെ പണിക്കെത്തിയ തൊഴിലാളികൾ കൂട്ടത്തോടെ നിരാശരായി മടങ്ങി.

വീടും ഭൂമിയുമില്ലാതെ കാലങ്ങളായി  ഷെഡുകളിലും കൂരകളിലും കഴിയുന്നവർക്കായാണ് സർക്കാർ ഇടപെട്ട് യുഎഇ കോൺസുലേറ്റിന്റെ സഹായത്തോടെ വടക്കാഞ്ചേരിയിൽ ഫ്ളാറ്റ് ഒരുക്കുന്നത്.  നിർമാണം പുരോഗമിക്കുന്നതിനിടെ, സ്ഥലം എംഎൽഎ അനിൽ അക്കര സർക്കാരിനെതിരെയും നിർമാണ കമ്പനിക്കെതിരെയും തുടർച്ചയായി അപവാദ പ്രചാരണം നടത്തിയിരുന്നു. പ്രതിപക്ഷത്തിന്റെയും അനിൽ അക്കരയുടെയും കള്ളപ്രചാരണങ്ങളിൽ മനംമടുത്താണ്  കരാറുകാർ പണി നിർത്തിവച്ചത്.ഡിസംബറിൽ  ഫ്ളാറ്റ് ഭവനരഹിതർക്ക്‌ കൈമാറാനിരിക്കുകയായിരുന്നു.ഫ്ളാറ്റിനായി കാത്തിരുന്ന 140 കുടുംബങ്ങളുടെ പ്രതീക്ഷക്കുമേലും കരിനിഴൽ വീണു. കോവിഡ് പ്രതിസന്ധികാലത്ത് തൊഴിലെടുത്തിരുന്ന 350 ഓളം പേരുടെ തൊഴിലും നഷ്ടപ്പെട്ടു.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..

മറ്റു വാർത്തകൾ

----
പ്രധാന വാർത്തകൾ
-----
-----
 Top