19 September Sunday

അപൂർവരോഗം ബാധിച്ച്‌ മരിച്ച കുഞ്ഞിന്റെ ചികിത്സാ സഹായധനം എന്തുചെയ്‌തെന്ന്‌ അറിയിക്കണം

വെബ് ഡെസ്‌ക്‌Updated: Friday Jul 23, 2021


കൊച്ചി
സ്പൈനൽ മസ്കുലാർ അട്രോഫി രോഗം ബാധിച്ച് മരിച്ച കുട്ടിയുടെ ചികിത്സയ്‌ക്കായി സ്വരൂപിച്ച 15 കോടി രൂപ എന്തുചെയ്തു എന്ന് അറിയിക്കാൻ ഹൈക്കോടതി സർക്കാരിനോട് നിർദേശിച്ചു. അപൂർവരോഗം ബാധിച്ച കുട്ടികളുടെ ചികിത്സയ്‌ക്കായി പ്രത്യേക ഫണ്ട് രൂപീകരിക്കണമെന്ന പൊതുതാൽപ്പര്യഹർജി പരിഗണിക്കവെയാണ് ചീഫ് ജസ്റ്റിസ് എസ് മണികുമാറും ജസ്റ്റിസ് ഷാജി പി ചാലിയും അടങ്ങുന്ന ബെഞ്ച് സർക്കാരിനോട് വാക്കാൽ നിലപാട് ആരാഞ്ഞത്. രോഗം ബാധിച്ച് വെന്റിലേറ്ററിൽ ചികിത്സയിലായിരുന്ന മലപ്പുറം അങ്ങാടിപ്പുറം സ്വദേശിയായ ഇമ്രാൻ മുഹമ്മദ് എന്ന കുട്ടി കഴിഞ്ഞദിവസം മരിച്ചു. ഈ കുട്ടിയുടെ ചികിത്സയ്ക്കായി പിരിച്ച പണം അപൂർവരോഗം ബാധിച്ച മറ്റു കുട്ടികളുടെ ചികിത്സയ്‌ക്കായി വിനിയോഗിക്കാനാകുമോ എന്ന് സർക്കാർ അറിയിക്കണം. നിധിയിലേക്ക് സർക്കാർവിഹിതമായ 15 ലക്ഷം അടയ്ക്കാൻ കോടതി നിർദേശിച്ചിരുന്നു. ഇക്കാര്യത്തിൽ സർക്കാർ തിങ്കളാഴ്ചവരെ സാവകാശം തേടി.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



മറ്റു വാർത്തകൾ

----
പ്രധാന വാർത്തകൾ
-----
-----
 Top