04 December Friday

ചെന്നിത്തലയ്‌ക്ക്‌ ഒരു കോടി കോഴ : സമഗ്ര അന്വേഷണം വേണം: എ വിജയരാഘവൻ

വെബ് ഡെസ്‌ക്‌Updated: Wednesday Oct 21, 2020


യുഡിഎഫ് സർക്കാരിന്റെ കാലത്ത് ബാറുടമകളിൽനിന്ന്‌ പിരിച്ച പണം രമേശ് ചെന്നിത്തലയ്ക്കടക്കം വീതംവച്ചെന്ന ബിജു രമേശിന്റെ വെളിപ്പെടുത്തൽ സമഗ്രമായി അന്വേഷിക്കണമെന്ന് എൽഡിഎഫ് കൺവീനർ എ വിജയരാഘവൻ ആവശ്യപ്പെട്ടു.
ഒരു കോടി രൂപ ചെന്നിത്തലയുടെ ഓഫീസിലും 50 ലക്ഷം കെ ബാബുവിന്റെ ഓഫീസിലും 25 ലക്ഷം വി എസ് ശിവകുമാറിന്റെ വീട്ടിലും എത്തിച്ചെന്ന ബാറുടമ ബിജു രമേശിന്റെ പുതിയ വെളിപ്പെടുത്തൽ അതീവ ഗൗരവമാണ്. യുഡിഎഫ്‌ സർക്കാരിന്റെ കാലത്ത് ഒട്ടനവധി കോഴ ഇടപാടുകൾ അരങ്ങേറിയെന്ന്‌ ഇത് തെളിയിക്കുന്നു. മുൻ മന്ത്രിമാരുടെയും പ്രതിപക്ഷ നേതാവ്‌ രമേശ്‌ ചെന്നിത്തലയുടെയും കള്ളപ്പണ ഇടപാട് അന്വേഷിച്ചാൽ ഞെട്ടിപ്പിക്കുന്ന വിവരങ്ങൾ പുറത്തുവരും.

യുഡിഎഫ് എംഎൽഎമാരായ പി ടി തോമസും കെ എം ഷാജിയും കള്ളപ്പണ ഇടപാടിൽ അന്വേഷണ പരിധിയിലാണ്‌. മുൻ മന്ത്രി കെ ബാബു അവിഹിത സമ്പാദ്യ കേസിന്റെ വിചാരണയിലും. പാലാരിവട്ടം പാലം അഴിമതിയിൽ വി കെ ഇബ്രാഹിം കുഞ്ഞും ജ്വല്ലറി തട്ടിപ്പിൽ എം സി ഖമറുദീനും പ്രതിക്കൂട്ടിലാണ്.

ഇതിനു പുറമെയാണ് ബിജു രമേശിന്റെ വെളിപ്പെടുത്തലുകൾ. സത്യം പുറത്തുകൊണ്ടുവരാൻ സമഗ്രാന്വേഷണവും നിയമനടപടികളും വേണമെന്ന്‌ വിജയരാഘവൻ പ്രസ്‌താവനയിൽ ആവശ്യപ്പെട്ടു.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..

മറ്റു വാർത്തകൾ

----
പ്രധാന വാർത്തകൾ
-----
-----
 Top