09 July Thursday

ബജ്റംഗ്ദള്‍ അക്രമം: കാലടി മണപ്പുറത്തെ സിനിമാ സെറ്റിന്റെ ഭാഗങ്ങള്‍ നീക്കിത്തുടങ്ങി

വെബ് ഡെസ്‌ക്‌Updated: Wednesday Jun 3, 2020

കാലടി> ടൊവിനോ തോമസ് നായകനാകുന്ന 'മിന്നല്‍ മുരളി' സിനിമയ്ക്കായി നിര്‍മിച്ച സെറ്റിന്റെ ഭാഗങ്ങള്‍ അണിയറപ്രവര്‍ത്തകര്‍ തന്നെ നീക്കിത്തുടങ്ങി. കാലടി ശിവരാത്രി  മണപ്പുറത്ത് ക്രിസ്ത്യന്‍ പള്ളിയുടെ മാതൃകയില്‍ നിര്‍മിച്ച സെറ്റ് മതവികാരം വ്രണപ്പെടുത്തുന്നുവെന്ന് ആരോപിച്ച് ബജ്റംഗ്ദള്‍ പ്രവര്‍ത്തകര്‍ അടിച്ചുതകര്‍ത്തത് വന്‍ പ്രതിഷേധം ഉയര്‍ത്തിയിരുന്നു.

ശിവക്ഷേത്രം അധികൃതരുടെയും പഞ്ചായത്തിന്റെയും അനുമതി വാങ്ങി തറവാടക നല്‍കി കഴിഞ്ഞ ഫെബ്രുവരിയിലാണ് മണപ്പുറത്ത് ക്രിസ്ത്യന്‍ പള്ളിയുടെ സെറ്റിട്ടത്. എന്നാല്‍ ലോക്ക്ഡൗണ്‍  മൂലം ഷൂട്ടിങ് മുടങ്ങി. സിനിമ വീണ്ടും തുടങ്ങാനിരിക്കെ മെയ് 24ന് വര്‍ഗീയവാദികള്‍ സെറ്റ് അടിച്ചുതകര്‍ത്തു. സെറ്റ് പൊളിച്ചവര്‍ക്കെതിരെ കര്‍ശന നടപടി സ്വീകരിക്കുമെന്ന് മുഖ്യമന്ത്രി വാര്‍ത്താസമ്മേളനത്തില്‍ പ്രഖ്യാപിച്ചിരുന്നു.

 മുഖ്യപ്രതി കാര രതീഷ് ഉള്‍പ്പെടെ അഞ്ചുപേരെ  പെരുമ്പാവൂര്‍ പൊലീസ് ഉടന്‍ പിടികൂടി. എന്നാല്‍ മറ്റ് പ്രതികളെ ഇതുവരെ പിടികൂടിയിട്ടില്ല.

 


പ്രധാന വാർത്തകൾ
 Top