29 November Tuesday

സ്വവർഗാനുരാഗികൾ അക്രമകാരികളെന്ന് ; വിവാദപ്രസ്താവനയുമായി വീണ്ടും എം കെ മുനീർ

വെബ് ഡെസ്‌ക്‌Updated: Thursday Sep 22, 2022

കോഴിക്കോട് > സ്വവർഗാനുരാഗികൾ അക്രമകാരികളാണെന്ന് മുസ്ലീംലീഗ് നേതാവും എംഎൽഎയുമായ  എം കെ മുനീർ. പേരാമ്പ്രയിലെ ലീഗ് വേദിയിലാണ് മുനീറിന്റെ വിവാദ പ്രസ്താവന.   

‘‘എൽജിബിടിക്ക് എതിരെ സംസാരിച്ചാൽ അവർ തന്നെ ഭ്രാന്തരാക്കുന്നു. ഇത് പറയുന്നതിന് പുരോഗമനവാദികളായ ചിലർ തന്നെ എതിർക്കുന്നു. പിന്നോക്കമാക്കുന്നു. ആറാം നൂറ്റാണ്ടിലേതെന്ന് പറയുന്നു. സ്വവർഗാനുരാഗം  മുസ്ലീങ്ങളുടെ മാത്രം പ്രശ്നമല്ല. ഹിന്ദുക്കളും കൃസ്ത്യാനികളും സ്വവർഗാനുരാഗത്തെ  എതിർക്കുന്നവരാണ്. സ്ത്രീകളുടെ പേരു പറഞ്ഞ് പുരുഷ മേധാവിത്വം അടിച്ചേൽപ്പിക്കാനാണ് ശ്രമം. സ്ത്രീകളുടെ  വസ്ത്രം മാറ്റണമെന്നാണ്  അവർ പറയുന്നത്. പുരുഷൻമാരുടെ വസ്ത്രം മാറ്റണമെന്ന് പറയുന്നില്ല’’ എന്നെല്ലാമാണ് മുനീർ പ്രസംഗിച്ചത്.

ലിംഗസമത്വമെങ്കിൽ ആൺകുട്ടി മുതിർന്ന പുരുഷനുമായി ലെെംഗികമായി ബന്ധപ്പെട്ടാൽ  പോക്സോ കേസ് എടുക്കുന്നത് എന്തിനാണെന്ന് കുറച്ചുനാൾ മുമ്പ് മുനീർ പറഞ്ഞത്  വിവാദമായിരുന്നു.
മതമൂല്യങ്ങളെ തകര്‍ക്കുന്നതാണ് ജെന്‍ഡര്‍ ന്യൂട്രാലിറ്റി. ജെന്‍ഡര്‍ ന്യൂട്രാലിറ്റി വന്നാല്‍ ആണ്‍കുട്ടികള്‍ ദുരുപയോഗം ചെയ്യപ്പെടും. പെണ്‍കുട്ടികള്‍ പാന്റും ഷര്‍ട്ടും ഇട്ടു കഴിഞ്ഞാല്‍ നീതി ലഭിക്കുമോയെന്നും അന്ന് ചോദിച്ചിരുന്നു.ഇതിനെതിരെ എറെ വിമർശനവും ഉയർന്നിരുന്നു.

 


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..




----
പ്രധാന വാർത്തകൾ
-----
-----
 Top