19 September Sunday

ഇന്‍സ്റ്റാഗ്രാമില്‍ കേരള പൊലീസിന് പത്തുലക്ഷം ആരാധകര്‍; മുംബൈ ,ബംഗളൂരു സിറ്റി സേനകളെ ബഹുദൂരം പിന്നിലാക്കി

വെബ് ഡെസ്‌ക്‌Updated: Sunday Jul 18, 2021

തിരുവനന്തപുരം> ലോകത്ത് ഏറ്റവുമധികം പേര്‍ പിന്തുടരുന്ന സ്റ്റേറ്റ് പൊലീസ് ഫെയ്സ്ബുക് പേജ് എന്ന നേട്ടത്തിനുശേഷം പത്തു ലക്ഷം ആരാധകരുള്ള ആദ്യത്തെ പൊലീസ് ഇന്‍സ്റ്റാഗ്രാം അക്കൗണ്ടെന്ന നേട്ടവും കേരള പൊലീസിന് സ്വന്തം.  മുംബൈ പൊലീസിനെയും ബംഗളൂരു സിറ്റി പൊലീസിനെയും ബഹുദൂരം പിന്നിലാക്കിയാണ്  മുന്നേറ്റം. രാജ്യാന്തരതലത്തില്‍ ഇന്റര്‍പോളിന്റെയും ന്യൂയോര്‍ക്ക് പൊലീസിന്റെയും ഇന്‍സ്റ്റാഗ്രാം അക്കൗണ്ടുകള്‍ പിന്തുടരുന്നത് അഞ്ചു ലക്ഷത്തില്‍ താഴെ ആള്‍ക്കാര്‍ മാത്രമാണ്.
 
   2018ല്‍ പൊലീസ് ആസ്ഥാനത്ത് ആരംഭിച്ച സോഷ്യല്‍ മീഡിയ സെല്ലിന്റെ കീഴില്‍ പൊലീസിന്റെ നവമാധ്യമ ഇടപെടലുകള്‍ ഏറെ ജനപ്രീതിയാര്‍ജിക്കുകയുണ്ടായി. കൗമാരക്കാര്‍ ഏറ്റവുമധികം ഉപയോഗിക്കുന്ന ഇന്‍സ്റ്റാഗ്രാമില്‍ അവരുടെ അഭിരുചികള്‍ക്കനുസൃതമായ തരത്തില്‍ തയ്യാറാക്കിയ ബോധവല്‍ക്കരണ പോസ്റ്റുകളും ചെറുവീഡിയോകളും വന്‍ ഹിറ്റുകളായി.

     എഎസ്‌ഐ കമല്‍നാഥ്, സീനിയര്‍ സിവില്‍ പൊലീസ് ഓഫീസര്‍മാരായ ബിമല്‍ വി എസ്, സന്തോഷ് പി എസ്, സിവില്‍ പൊലീസ് ഓഫീസര്‍മാരായ അരുണ്‍ ബി ടി, സന്തോഷ് കെ, അഖില്‍, നിധീഷ് എന്നിവരാണ് സോഷ്യല്‍ മീഡിയ സെല്ലില്‍ പ്രവര്‍ത്തിക്കുന്നത്.

 


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..




----
പ്രധാന വാർത്തകൾ
-----
-----
 Top