16 January Saturday
46 പേർ പഞ്ചായത്ത്‌ പ്രസിഡന്റുമാരും 35 പേർ വൈസ് പ്രസിഡന്റുമാരുമായി

ജനപ്രതിനിധികളായത്‌ 763 തുല്യതാ പഠിതാക്കൾ

വെബ് ഡെസ്‌ക്‌Updated: Thursday Jan 14, 2021

image credit kerala literacy mission


വിദ്യാഭ്യാസം അക്ഷരാഭ്യാസം മാത്രമല്ലെന്നും സാമൂഹ്യ ഉന്നമനത്തിനുള്ള ആയുധം കൂടിയാണെന്നും‌ തെളിയിച്ച്‌ സംസ്ഥാന സാക്ഷരതാ മിഷൻ.  വിവിധ തുല്യതാ ക്ലാസുകളിലെ 859  പഠിതാക്കൾ ഇക്കഴിഞ്ഞ തദ്ദേശ തെരഞ്ഞെടുപ്പിൽ മത്സരിച്ചു. അതിൽ 763  പേരും വിജയിച്ചു.

ഇവർക്കൊപ്പം 49 പ്രേരക്മാരും വിവിധ സാക്ഷരതാ– -തുല്യതാ പദ്ധതികളുടെ ഇൻസ്ട്രക്ടർമാരുമായ 47 പേരും തെരഞ്ഞെടുപ്പിൽ വിജയിച്ചു.  ഇവരിൽ 46 പേർ വിവിധ തദ്ദേശ സ്ഥാപനങ്ങളുടെ പ്രസിഡന്റുമാരായും 35 പേരെ വൈസ് പ്രസിഡന്റുമാരായും ചുമതലയേറ്റു. തുല്യതാ പഠിതാക്കളിൽ ഏറ്റവും കൂടുതൽ പേർ വിജയിച്ചത് മലപ്പുറം ജില്ലയിലാണ്–- 205. മൂന്ന് പ്രേരക്മാരും മൂന്ന് ഇൻസ്ട്രക്ടർമാരുമുൾപ്പെടെ 211 പേർ ജില്ലയിൽ ജനപ്രതിനിധികളായി.

പാലക്കാട് –-98, കോഴിക്കോട് –-76, തിരുവനന്തപുരം –-37, കൊല്ലം –-35, ആലപ്പുഴ –-24, പത്തനംതിട്ട –-21, കോട്ടയം –-38, എറണാകുളം –-45, തൃശൂർ –-59, ഇടുക്കി –-26, കണ്ണൂർ –-69, വയനാട് –-61, കാസർകോട്‌ –-59 എന്നിങ്ങനെയാണ് മറ്റ്‌ ജില്ലകളിലുള്ളവർ.
7058 കുടുംബശ്രീ അംഗങ്ങളും 612 ആശാ വർക്കർമാരും ഇത്തവണ ജനപ്രതിനിധികളായിട്ടുണ്ട്‌.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..


----
പ്രധാന വാർത്തകൾ
-----
-----
 Top