28 September Tuesday

കരിപ്പൂർ സ്വർണക്കവർച്ച: 
രണ്ടുപേർകൂടി പിടിയിൽ

വെബ് ഡെസ്‌ക്‌Updated: Saturday Jul 17, 2021


കരിപ്പൂർ
രാമനാട്ടുകര അപകടത്തിൽ മരിച്ചവരുൾപ്പെട്ട  സ്വർണക്കവർച്ചാകേസിൽ രണ്ടുപേർകൂടി അറസ്‌റ്റിൽ. കരിപ്പൂർ കുമ്മിണിപറമ്പ് കൊടപ്പനാട് സജിമോൻ (27), കൊടുവള്ളി എളേറ്റിൽ കിഴക്കോത്ത് ഒയലകുന്നത്ത് ഒ കെ മുഹമ്മദ് മുനവർ (28) എന്നിവരെയാണ് കൊണ്ടോട്ടി ഡിവൈഎസ്‌പി  കെ അഷ്റഫിന്റെ നേതൃത്വത്തിലുള്ള സംഘം അറസ്‌റ്റ്‌ചെയ്‌തത്‌. ഇതോടെ കേസിൽ ആകെ 21 പേർ അറസ്റ്റിലായി.

കരിപ്പൂർ വിമാനത്താവളം കേന്ദ്രമായി സ്വർണക്കടത്തുകാർക്ക്‌  ഒത്താശചെയ്യുന്ന സംഘത്തിലെ മുഖ്യ കണ്ണിയാണ് സജിമോനെന്ന്‌ പൊലീസ്‌ പറഞ്ഞു. സംഭവദിവസം വിമാനത്താവളത്തിൽ തമ്പടിച്ച സ്വർണക്കടത്തുകാർക്ക്‌ സഹായംചെയ്‌തത്‌ ഇയാളാണ്‌. വിമാനത്താവള പരിസരത്ത്‌ ടാക്സി സർവീസ്, മണി എക്സ്ചേഞ്ച് ബിസിനസ്‌, ട്രാവൽസ്‌ എന്നിവയുടെ നടത്തിപ്പുകാരനാണ്‌.   ഗൾഫിൽ സ്വർണക്കടത്ത് നിയന്ത്രിക്കുന്ന സംഘത്തലവന്മാരുമായി അടുത്ത ബന്ധവുമുണ്ട്‌. 

സംഭവദിവസം പിടികൂടിയ രണ്ടര കിലോ സ്വർണവുമായി ബന്ധപ്പെട്ട് കസ്റ്റംസ് റെയ്ഡ് നടത്തിയ ഒ കെ സലാമിന്റെയും  ജലീലിന്റെയും ബന്ധുവാണ്‌ മുഹമ്മദ് മുനവർ. എകരൂരിലെ ഭാര്യവീട്ടിൽനിന്നാണ്‌ പിടികൂടിയത്‌. കൊടുവള്ളി സംഘം സഞ്ചരിച്ച ഇന്നോവ കാർ ഇയാളിൽനിന്ന് കണ്ടെടുത്തു.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..




----
പ്രധാന വാർത്തകൾ
-----
-----
 Top